Read tshwa Tisimu 76 Bible Online

Tisimu 76 - tshwa bible

Tisimu 76

¹Ka muchuli wa Neginote. Lisimu la Asafa. Nungungulu i tibyiwa a ka Juda; A vito gakwe ga hombe ka Israeli.

²A tenda gakwe gi le Salema; Ni wuakelo gakwe gi le Zioni.

³Hi laho a tshovileko a tigalala ta mawura, A xitlhangu ni supado, ni matlhari ya yimpi. (Sela.)

⁴U vangamela ni kuva ni ntamu, Ku hunza a zitsunga za vaphangi.

⁵A vanhu va wurena va phangilwe, Va ti etlelele a wurongo gabye ga magumo; Tontlhe a tinhenha a ti zi kotangi ku ti lwela. [252]

⁶Vontlhe vakhileli va tikareta va etlele ni mahaxi yabye. Hi kota ya kukawukwa hi wena, Nungungulu wa Jakobe.

⁷Wena wa chaveka; Himani a nga yimako mahlweni ka wena loku u zangarile ke?

⁸U lo zwata a kulamula ka wena hi le tilweni, A misava yi lo chava, yi miyela,

⁹Loku Nungungulu a yima a ku ta lamula, Kasi ku ponisa lava va koramileko laha misaveni. (Sela.)

¹⁰Hizinene, a zanga ya munhu yi ta ku dumisa; A xipanze xa zanga yakwe u ta xi ambala. [253]

¹¹Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. [254]

¹²Wa bohlisa a kutikulisa ka tihosana, Wa chaveka ka tihosi ta misava.