Read tshwa Tisimu 77 Bible Online

Tisimu 77 - tshwa bible

Tisimu 77

¹Ka muchuli wa Jedutune. Lisimu la Asafa. Nzi ta rila ka Nungungulu hi gezu ga mina, Nzi taba huwa ka Nungungulu, yena i ta nzizwa.

²Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

³Loku nzi alakanya Nungungulu nzi karateka, Nzi keta, a moya wa mina na wu tikelwa. (Sela.) [255]

⁴Wena u khoma mahlo ya mina ma tshama ma hanyanyile; Nzi karateka laha kaku a nzi zi koti ni ku wulawula.

⁵Nzi alakanya a masiku ya kale, Ni malembe ya kale ka matiko.

⁶Nzi khumbula a lisimu la mina ni wusiku, Nzi wulawula ni mbilu ya mina. Ni moya wa mina wu alakanyela.

⁷Xana Hosi yi nga hoxela magumo ke? Yi nga ha ta zwela wusiwana ke?

⁸A wuxinji gakwe gi mbhelele magumo ke? A xitsumbiso xakwe xi ta tsikelwa magumo ke?

⁹Nungungulu i rivele kuva ni tipswalo ke? Kutani i tsikile ku hi hawukela hi kota ya zanga yakwe ke? (Sela.)

¹⁰Nzi hlamula nziku: A kuxaniseka ka mina hi loku; A canja ga xinene ga Loyi a Hunzeleleko Kutlakuka a gi fani ni kale.

¹¹Nzi ta zwata a mitiro ya Jehova; Ina, nzi ta alakanya a zirewukiso za wena za kaleloko.

¹²Nzi ta ehleketa hi mitiro ya wena yontlhe, Nzi alakanyela hi zimaho za wena.

¹³A ndlela ya wena, Nungungulu, yi basile; Himani a nga nungungulu wa hombe wo fana ni Nungungulu ke?

¹⁴Hi wena Nungungulu loyi a mahako zihlamaliso; U kombisile a ntamu wa wena xikari ka matiko.

¹⁵Hi woko ga wena u lo tirula a vanhu va wena, A vana va Jakobe ni va Josefa. (Sela.) [256]

¹⁶A mati ma ku wonile, Nungungulu, A mati ma ku wonile, ma chava; Ni kueta ku lo rurumela.

¹⁷A marefu ma lo halaka mati, Ni marefu ma lo zwata gezu, Ni miseve ya wena yi lo kalametwa matlhelo wontihe.

¹⁸A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

¹⁹A gonzo ga wena gi lo tsemakanya bimbi, Ni ndlela ya wena yi wa hi xikari ka mati yo eta; Ni mabatha ya mikonzo ya wena a ma kumekangi. [257]

²⁰U lo rangela a vanhu va wena khwatsi i ntlhambi, Hi woko ga Mosi na Aroni. [258]