Read tshwa Tisimu 8 Bible Online

Tisimu 8 - tshwa bible

Tisimu 8

¹Ka muchuli wa Gitite. Lisimu la Davida. Jehova, Hosi ya hina, Gi dzunzekisile kuyini a vito ga wena misaveni yontlhe! Wena loyi u ti yimisaleko a wukosi ga wena hehla ka matilo. [24]

²U ti yimisele a ntamu hi milomu ya zivanana ni zihlangi zi anwako, Hi kota ya valala va wena, Kasi wa miyeta a nala ni muphoteli. [25]

³Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

⁴Nziku: Xini a munhu loyi wena u mu khatalelako, Ni nʼwana wa munhu lezi wena u mu enzelako ke? [26]

⁵Hakuva wena u mu mahile kutsongwani a lava ku ecana ni Nungungulu; U mu bombisile hi wukosi ni kudzunziwa.

⁶Hakuva wena u mu nyikile malungelo ya ku fumela a mitiro ya mandla ya wena, U veka zilo zontlhe lahasi ka mikonzo yakwe: [27]

⁷A tiyivu tontlhe ni tihomu, Ina, ni zihari za khwati;

⁸A tinyanyani ta tilo ni zidluwani za bimbi, Ni zontlhe lezi zi fambako hi tindlela ta mabimbi.

⁹Jehova, Hosi ya hina, Gi dzunzekisile kuyini a vito ga wena misaveni yontlhe!