Read tshwa Tisimu 85 Bible Online

Tisimu 85 - tshwa bible

Tisimu 85

¹Ka muchuli. Lisimu la vana va Kora. Jehova, u katekisile a tiko ga wena, U wuyisile a vakhomilweko va Jakobe.

²U tsetselele a kubiha ka tiko ga wena, U fenengetile kuonha kabye kontlhe. (Sela.)

³U susile a zanga ya wena yontlhe, U tlhelile kuvureni ka khulo ga wena.

⁴Hi hunzulukele, Nungungulu wa kuhanyiswa ka hina, U tsika ku hi zangarela.

⁵U ta hi zangarela kala kupinzuka ke? U ta simamisa ku zangara kala ka zizukulwana za ha tako ke?

⁶U nga ta tlhela u hi hanyisa. Kasi a vanhu va wena va ku tsakela ke?

⁷Jehova, hi kombise a wuxinji ga wena, U hi nyika kuhanyisa ka wena.

⁸Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

⁹Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. [294]

¹⁰A wuxinji ni kutsumbeka zi tlhangene kona, A kululama ni kurula zi pswopswene.

¹¹A kutsumbeka ku ta buwuka misaveni, Ni kululama ku ta cuwuka lahasi hi le tilweni.

¹²Futsi, Jehova i ta hi nyika makatekwa, A tiko ga hina gi ta humesa mihanzu ya gona. [295]

¹³A kululama ku ta ranga mahlweni kakwe, Ku ta hi veka hi lanza a zikanzihelo zakwe.