Read tshwa Tisimu 9 Bible Online

Tisimu 9 - tshwa bible

Tisimu 9

¹Ka muchuli wa Mutlabeni. Lisimu la Davida. Nzi ta bonga Jehova hi mbilu ya mina yontlhe; Nzi ta hlawutela a zirewukiso za wena zontlhe.

²Nzi ta tsaka, nzi nengela ha wena; Nzi ta dumisa a vito ga wena hi tisimu, Wena u Hunzeleleko Kutlakuka.

³A valala va mina va tlheliselwa nzhako, Va wile va lova kuwoneni ka wena.

⁴Hakuva wena u yimele a fanelo ya mina ni mhaka ya mina, U tshamile xitshanwini xa wena xa wuhosi u lamula hi nongameto.

⁵U pambule a vamatiko, u lovisa a vakubiha; U vinyile a mavito yabye kala kupinzuka ni kupinzuka.

⁶A valala va lobyisilwe, va mahile marumbi kala kupinzuka; U khungumulele a madoropa yabye; A mavito yabye a ma ha alakanyiwi.

⁷Kanilezi Jehova i ta fuma kala kupinzuka; A xitshamu xakwe xa wuhosi i xi longisele a kulamula.

⁸I ta lamula misava hi kululama, I ta lamula matiko hi nongameto. [28]

⁹Jehova i khokhola ga lava va xanisekako, Mbuchavelo zikhatini za zikarato.

¹⁰A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

¹¹Yimbani tisimu to dumisa Jehova loyi a tshamako le Zioni, Tlhatlhambutelani a mitiro yakwe le matikweni.

¹²Hakuva a muphoteli wa nkhata i lo va alakanya; A nga rivali a huwa ya lava va nga khombyeni.

¹³Ngha uve ni wuxinji ka mina, O Jehova; Cuwuka a kuxaniseka loku nzi vangelwako hi lava va nzi vengako; Wena loyi u nzi susako tinyangweni ta kufa,

¹⁴Kasi nza zwata a wudumo ga wena gontlhe. Lomu tinyangweni ta nhwana wa Zioni Nzi ta nengela hi kuhanyisa ka wena.

¹⁵A vamatiko va wele rinzini legi va nga gi kela; A milenge yabye yi phasilwe hi ntlhamu lowu va wu dembileko. [29]

¹⁶Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

¹⁷A vakubiha va ta tlhelela Xeole, Vontlhe a vamatiko va rivalako Nungungulu,

¹⁸Hakuva a muvumali a nga ta rivalwa xontlhe xikhati, Ni kutsumba ka zisiwana ku nga ta mbhelela magumo.

¹⁹Vuka, Jehova, u nga vumeli vanhu a kuva ni migiyo; Ngha matiko wontihe ma lamulwa mahlweni ka wena.

²⁰Jehova, ma rurumelise; Kasi a vamatiko va tiva lezaku vona mbanhu ntsena. (Sela.)