Read tshwa Tisimu 90 Bible Online

Tisimu 90 - tshwa bible

Tisimu 90

¹Mukombelo wa Mosi, munhu wa Nungungulu. Hosi, u wa hi wutshamu ga kuaka ka hina, A ka xizukulwana ni xizukulwana.

²Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

³Wena u tlhelisa vanhu ntshurini, Uku: Tlhelani nwina vana va vanhu. [313]

⁴Hakuva a khume ga mazana ya malembe mahlweni ka wena, Me khwatsi hi siku ga tolo loku gi hunzile; Ma fana ni kurinza ka wusiku, 2 Ped. 3:8

⁵Wena u va kukuleta, vaku khwatsi mburongo. Laha mixweni va hluka ku fanana ni byanyi; [314]

⁶Gi kula gi rumbuka laha mixweni, Kanilezi laha gambyeni gi tsemiwa, gi wuna.

⁷Hakuva hi mbhetiswa hi zanga ya wena, Hi chaviswa hi khulo ga wena.

⁸U vekile a zigoho za hina mahlweni ka wena, Ni zionho za hina leʼzi fihlilweko zi le kuwonekeleni ka nghohe ya wena. [315]

⁹Hakuva wontihe masiku ya hina ma hunza hi kota ya khulo ga wena, A malembe ya hina ma mbhela khwatsi i pfumawulo.

¹⁰A masiku ya kuhanya ka hina ma ringana 70 wa malembe, Ni lava va nga ni ntamu va nga chikela ka 80 wa malembe, Kanilezi a ntamu wa wona ngwa kubayiseka ni kukarateka, Hakuva ma hunza hi xihatla, hina hi nwalala.

¹¹Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

¹²Hi gonzise ku hlaya masiku ya hina, Kasi a timbilu ta hina ti tava ni wutlhari.

¹³Wuya Jehova, u ta hlwela kala rini? Zwela wusiwana a malanza ya wena. [316]

¹⁴Hi xurise hi wuxinji ga wena na ka hi mixo, Kasi ha fela ku bhuma ni ku tsaka masiku wontihe ya hina.

¹⁵Hi mahe hi tsaka ku ringana ni masiku lawa u nga hi xanisa, Ni malembe lawa hi nga wona a hlomulo.

¹⁶A ntiro wa wena a wu woneke ka malanza ya wena, Ni kungangamela ka wena ka vanana vabye.

¹⁷Ngha a tipswalo ta Jehova, Nungungulu wa hina, tiva hehla ka hina! Hi tiyiseta a ntiro wa mandla ya hina; Ina, wu tiyise a ntiro wa mandla ya hina.