Read tshwa Tisimu 91 Bible Online

Tisimu 91 - tshwa bible

Tisimu 91

¹Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

²I taku ha Jehova: I wuchavelo ga mina ni khokhola ga mina, Nungungulu wa mina loyi nzi mu tsumbako.

³Hakuva i ta ku tlhatlhisa tlhanwini wa mudembeli, Ni ta ntungwini lowu wu dayako.

⁴I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. [317]

⁵U nga ta chava kutshisa ka wusiku, Ni ligalala li tumako ni mumu.

⁶Hambu ni ntungu wu fambako xinyameni, Ge ni nzhere wu dayako ni hlikanhi.

⁷Hambu loku ku wela 1,000 reveni ga wena, Ni 10,000 va wela canjeni ga wena ga xinene, Kanilezi zi nga ta tshinela ka wena.

⁸U ta cuwuka ntsena hi mahlo ya wena; U wona a nchachazelo wa vakubiha.

⁹Lezi u nge ngalo: Wena Jehova u wuchavelo ga mina. U ti hlawulele loyi a Hunzeleleko Kutlakuka akuva a kaya ka wena.

¹⁰U nga ta humelwa hi mhango, Ge hambu a khombo a ku tshinela a xaxa wa wena.

¹¹Hakuva i ta ruma a tingelosi takwe, A kuva ti ku hlayisa tindleleni ta wena tontlhe. [318]

¹²Ti ta ku angarela mawokweni ya tona, Kasi u nga gumuli a nkonzo wa wena laha ribyeni.

¹³U ta kanzihela nghala ni mamba. U ta gandletela xinghalana ni nyoka. [319]

¹⁴Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

¹⁵I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

¹⁶Nzi ta mu xurisa hi masiku yo tala, Nzi mu wonisa a kuhanyisa ka mina.