Read tshwa Tisimu 95 Bible Online

Tisimu 95 - tshwa bible

Tisimu 95

¹Tanani, a hi yimbeleleni ka Jehova, Hi khanela a ribye ga kuhanyiswa ka hina. [328]

²A hi yeni mahlweni kakwe zinwe ni kubonga, Hi mu tlhavela zizimba za kutsaka.

³Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

⁴A kueta ka misava ku le mandleni yakwe, Ni za le hehla za zitsunga zi lumba yena.

⁵A bimbi gakwe, i lo gi maha; Ni mandla yakwe ma lo maha muhanza wa kuwoma.

⁶Tanani, a hi khizameni hi korama, A hi khizameleni Jehova, a mumahi wa hina. [329]

⁷Hakuva yena i Nungungulu wa hina, Hina hi tiko ga wuriselo gakwe, Hi tiyivu ti hlayiswako hi yena. E, loku mu wa ta vumela nyamutlha ku ingisa gezu gakwe!

⁸Mu nga nonohisi a timbilu ta nwina, kukotisa le Meriba, Khwatsi hi siku ga Massah le xiwuleni, [330]

⁹Laha a vadadani va nwina va nga nzi ringa, Va lo nzi ringa, hambu lezi va wonileko mitiro ya mina. [331]

¹⁰Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. [332]

¹¹Laha ka kuva nzi hlambanya zangeni ya mina, Lezaku va nga ta enghena kuhumuleni ka mina. [333]