Read tshwa Tisimu 96 Bible Online

Tisimu 96 - tshwa bible

Tisimu 96

¹Yimbelelani a lisimu liswa ka Jehova, Yimbelelani ka Jehova yontlhe misava. [334]

²Yimbelelani ka Jehova, mu khesa vito gakwe, Kanelani a kuhanyisa kakwe siku ni siku. [335]

³Tlhatlhambutelani a wudzunzo gakwe xikari ka matiko, Ni mitiro yakwe yi hlamalisako xikari ka vanhu vontlhe.

⁴Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. [336]

⁵Hakuva vontlhe vanungungulu va matiko zifananiso ntsena, Kasi Jehova i mahile matilo. [337]

⁶A wudzunzo ni wukulu gi le mahlweni ka yena, A ntamu ni wumbhuri zi lomu ndlwini yakwe ya kubasa.

⁷Nwina tixaka ta vanhu, hlayelani Jehova, Hlayelani Jehova a wudzunzo ni ntamu.

⁸Hlayelani Jehova a wudzunzo legi gi faneleko a vito gakwe, Nehani miphahlelo, mu enghena ziluvelweni zakwe.

⁹Khozelani Jehova na mu ambele wubaswa, Mu rurumela mahlweni kakwe nwina nwentlhe va misava.

¹⁰Kanelani xikari ka matiko, muku: Jehova wa fuma; Hikwalaho misava yi tiyile, a yi na ku tsekatsekiswa, I ta lamula a matiko hi nongameto.

¹¹Ngha matilo ma tsaka, ni misava yi nengela, Ngha bimbi gi dzinza ni zontlhe zi nga ka gona. [338]

¹²Ngha mikova yi nengela ni zontlhe zi nga ka yona, Zonake a tisinya tontlhe ta khwati ti ta yimbelela hi litsako

¹³Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. [339]