Read tshwa Mavingu 19 Bible Online

Mavingu 19 - tshwa bible

Mavingu 19

¹A xisiwana lexi xi fambako hi kululama ka xona i hunza a munhu loyi a nga ni milomu ya kukanganyisa, a nga xipumbu,

²A mixuvo yi nga hiko na kupimisisa a yi sasekangi; i loyi a hatlisako hi mikonzo yakwe wa onha.

³A wupumbu ga munhu ga goha mahanyela yakwe; i mbilu yakwe yi vukela Jehova.

⁴A wukosi gi vitanisa a vanghana vanyingi; anilezi a xisiwana xa tsikiwa hi xaka ga xona.

⁵A kustumunyu ya mawunwa yi nga ta pona ku tsayiswa; i loyi a wulawulako mawunwa a nga ta huluka. [43]

⁶Vanyingi va sasela hosana; unhu ni munhu munghana wa loyi a nyikako zinyikiwo.

⁷A xisiwana xi vengiwa hi vontlhe vanakulobye; vanghana vakwe va fambela kule kakwe: a va khongotela, kanilezi vo ti sukela.

⁸Loyi a layako wutlhari wa ranza muhefemulo wakwe; i loyi a pimisisako i ta kuma makatekwa.

⁹A kustumunyu ya mawunwa yi nga ta pona ku tsayiswa; i loyi a hembako mawunwa i ta lova.

¹⁰A kutshameka a ku faneli xipumbu; guvunguvu a nanza a gi faneli ku fumela tihosi.

¹¹A munhu a tlharihileko wa nonoka ku zangara; bukosi gakwe a ku tsetselela zihambunyeto.

¹²A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

¹³A nʼwana wa xipumbu i khombo ka dadani wakwe; i timholova ta sati ti fana ni yindlu leyi yi vutako masiku wontihe.

¹⁴A yindlu ni wukosi i tshomba ya vadadani; anilezi a sati a tlharihileko xinyikiwo xi tako hi ka Jehova.

¹⁵A wulolo gi wisela munhu wurongweni; i muhefemulo wa lolo wu tazwa ndlala.

¹⁶Loyi a hlayisako zileletelo i hlayisa muhefemulo wakwe; anilezi loyi a nga khataliko hi tindlela takwe i tafa.

¹⁷Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. [44]

¹⁸Laya a nʼwana wa wena na ka ha hi kona kutsumba; anilezi u nga naveli ku mu daya.

¹⁹A munhu wa zanga ya hombe i ta tsayiswa; akuva loku u mu tsetselela, wena u fanele ku engeta u zi maha.

²⁰Zwana wusungukati, u amukela ku layiwa, asi a masiku ma ha tako u fela ku tlhariha.

²¹Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

²²Lexi xi sasekisako munhu hi wunene gakwe; xisiwana xi nene ku hunza a munhu wa wunwa.

²³A ku chava Jehova ku yisa wutomini; i loyi a nga nako i tshama a tsakile: ima a nga ta enzelwa hi kubiha.

²⁴A lolo gi peta a canja ga gona lomu ngelweni, anilezi a nga gi tlhelisi giya nonwini wakwe.

²⁵Bana mutseketseli, ni zipumbu zi ta gonza ku tlhariha; uleka loyi a nga ni kupima, i ta pima wutivi.

²⁶Loyi a xanisako raru wakwe, a hlongola nyine wakwe, i nʼwana loyi a wisako tingana, a vangako nzhukano.

²⁷Nwananga, tsika ku ingisela gonziselelo, oku yi ku maha u huma timhakeni ta wutlhari.

²⁸A kustumunyu ya mawunwa ya tseketsela zinene; i nomu wa munhu wo biha wu khadamula zigoho.

²⁹A kulamula ku yimiselwe vatseketseli; i timbirimbi ti yimiselwe mihlana ya zipumbu.