Read tshwa Mavingu 2 Bible Online

Mavingu 2 - tshwa bible

Mavingu 2

¹Nwananga, loku u amukela timhaka ta mina, hlayisa milayo ya mina;

²Loku u demba ndleve ya wena, u ingisela wutlhari, nyiketela mbilu ya wena kupimisiseni;

³Ina, loku u rilela kupimisisa, tlakusa a gezu ga wena u lava kupimisisa;

⁴Loku u ku hlota kukotisa siliva, ku lavisisa kukotisa tshomba yi fihlilweko,

⁵Zonake u ta tiva ku chava Jehova, ta kuma wutivi ga Nungungulu.

⁶Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

⁷A vakululama i va hlayisela kukateka; i yena xitlhangu xa lava va fambako kululameni;

⁸Wa chela kota hi tindlela ti lulamileko, hlayisa tindlela ta vakubasa vakwe.

⁹Zonake u ta pima kululama ni kulamula, na, ni tindlela tontlhe ta zinene.

¹⁰Loku wutlhari gi enghena mbilwini ya wena, i wutivi gi tsakisa muhefemulo wa wena;

¹¹A kualakanya ku ta ku langutela, i kupimisisa ku ta ku hlayisa:

¹²Gi ta ku tlhatlhisa tindleleni ta kubiha, i ka lava va wulawulako kubiha;

¹³Lava va humako tindleleni ta kululama, a famba hi tindlela ta munyama;

¹⁴Lava va tsakiswako hi ku maha kubiha, a xalaliswa hi kugombonyeka ka za kubiha;

¹⁵Lava tindlela tabye ti gombonyekileko, a mahako kubiha tindleleni tabye;

¹⁶Gona wutlhari gi ku tlhatlhisa ka wasati wa matiko, i ka muakelane wa xisati, loyi a timhaka takwe ti lapitako;

¹⁷Loyi a tsikako munghana wa wuswa gakwe, rivakelwa xivumelwano xa Nungungulu wakwe.

¹⁸Hakuva a yindlu ya wa kunghahi yi khuyukela kufeni, i tindlela takwe ti kongoma ka vafileko.

¹⁹Vontlhe va yako kakwe cima a va wuyi, e hambu ku kuma ndlela ya wutomi.

²⁰Lezo u ta famba hi tindlela ta lava va nene, tiya tindleleni ta vakululama.

²¹Hakuva a valulamileko va ta aka tikweni, i lava va mbheleleko va ta sala ka gona.

²²Kanilezi a vakubiha va ta susiwa laha misaveni, i vakanganyisi va ta tsuwulwa ka yona.