Read tshwa Mavingu 21 Bible Online

Mavingu 21 - tshwa bible

Mavingu 21

¹A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

²A tindlela tontlhe ta munhu ti lulamile kuwoneni kakwe yena nwinyi; anilezi Jehova hi yena a pimako timbilu.

³A ku maha kululama ni nongameto, a amukeleka ka Jehova ku hunza muphahlo. [51]

⁴A mahlo ya ku ti kukumukisa ni mbilu ya matshanza, kandiya ya laʼvobiha, kambe xionho.

⁵A maalakanyo ya loyi a ti karatako ma pfunisa; anilezi vontlhe lava va xihatla ni mavonya va ta vumala.

⁶A ku ti lavela tshomba hi lirimi la mawunwa, u hi hunguva leyi yi ndlengandlengiswako, i ziyo ga kufa.

⁷A kuleva ka va kubiha ku ta va lovisa; akuva va ala ku maha zinene.

⁸A ndlela ya munhu a na nga ni nanzu yi gornbonyekile, anilezi loyi a basileko a tindlela takwe ti lulamile.

⁹I chuko ku tshama le gwitsini ga xixungwe xa yindlu, u hunza ku tshama lomu ndlwini ya hombe ni wasati wa timholova.

¹⁰A muhefemulo wa loyi wa kubiha wu navela za kubiha; muakelane wakwe a nga mahelwi wuxinji hi yena.

¹¹Loku a mutseketseli a tsayiswa a xipumbu xa tlhariha; i loku a tlhari yi lulekwa yi kuma wutivi.

¹²Loyi a Lulamileko wa alakanyela hi yindlu ya wa kubiha; wisa a va kubiha khombyeni.

¹³Loyi a valako tindleve takwe lezaku a ngazwi kurila ka zisiwana, enawu i ta rila, kanilezi a nga ta zwiwa hi munhu.

¹⁴A xinyikiwo xa le xihundleni xi bohlisa zanga; i nchachazelo wa le kufihlaleni wu bohlisa khulo ga hombe.

¹⁵Za tsakisa ka loyi a lulamileko a ku lamula hi nongameto; anilezi za chavisa ka vamahi va kubiha.

¹⁶A munhu loyi a hambukako ndleleni ya kupimisisa, I ta tshama hlengeletanweni wa vafileko.

¹⁷Loyi a ranzako ku ti tsakisa i tava xisiwana; oyi a ranzako vinya ni mafura cima a nga ta fuma. [52]

¹⁸A wa kubiha i tava nzhiho wa a lulamileko; i xigohi xi tava nzhiho ka wa kululama.

¹⁹I chukwana ku tshama xiwuleni, u hunza ku tshama ni wasati wa tihanyi ni lunya.

²⁰A ndlwini ya loyi a tlharihileko ku na ni wukosi ga lisima ni mafura ma navelekako; anilezi a xipumbu xa zi xakela.

²¹Loyi a lanzelako kululama ni wuxinji, ta kuma wutomi, ni kululama ni wudzunzo.

²²Loyi a tlharihileko wa kanziha mutini wa tinhenha; wisa a khokhola legi va gi tsumbako.

²³Loyi a hlayisako nomu wakwe ni lirimi lakwe, a ponisa muhefemulo wakwe zikaratweni.

²⁴Mutseketseli hi vito ga munhu wa matshanza, a ti kukumukisako, oyi a mahako zilo hi zanga ya matshanza.

²⁵A mixuvo ya lolo ya mu daya; akuva a mandla yakwe ma ala ku tira.

²⁶A wa mahlomi wa navela masiku wontihe; anilezi a wa kululama i nyikela a nga ali.

²⁷A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

²⁸A kustumunyu ya mewunwa yi ta lova; anilezi loyi a zi zwako wa wulawula hi kutiyisa. [53]

²⁹A munhu wa kubiha wa boha nghohe yakwe; anilezi loyi a lulamileko wa tiyisa a tindlela takwe.

³⁰A gi kona wutlhari, kutani kupima, e hambu wusungukati legi gi hlulako Jehova.

³¹A haxi gi longiselwa a siku ga yimpi; anilezi Jehova wa nyika kuhlula.