Read tshwa Mavingu 22 Bible Online

Mavingu 22 - tshwa bible

Mavingu 22

¹A vito gi nene gi hunza a tshomba yo tala, kudzunzeka na kona ku hunza siliva ni nzalama.

²A hosi ni xisiwana va tlhangana khatiginwe, ehova hi Mumahi wabye vontlhe. [54]

³A munhu a tlharihileko wa wona mhango a fihlala; anilezi a zipumbu zi hunza hi laho zi xaniseka.

⁴A nchachazelo wa kutikoramisa ni ku chava Jehova, i wukosi ni wudzunzo ni wutomi.

⁵A mizwa ni maziyo zi le ndleleni ya mukanganyisi; oyi a hlayisako muhefemulo wakwe i tava kule na zona.

⁶Gonzisa nwanana lomu ndleleni leyi a ta nga famba ha yona, ambu loku a hi wa kale a nga ta yi tsika.

⁷Loyi a fumileko i fumela xisiwana, i mupembi i nanza ga mupembisi.

⁸Loyi a xwanyako kubiha i ta tshovela kubayiseka; i nhonga ya zanga yakwe yi ta mbhela.

⁹A munhu loyi a nga wunene i ta kateka; akuva wa nyika xibaba xakwe ka zisiwana.

¹⁰Hlongola mutseketseli, a timholova ti ta mbhela; na, a kuholovisana ni nzhukano zi ta mbhela.

¹¹Loyi a ranzako kubasa ka mbilu, a hi ni milomu ya tipswalo, i ta ranzeka ka hosi.

¹²A mahlo ya Jehova ma hlayisisa wutivi, anilezi wa hoxa kule a makungo ya loyi a nga tsumbekangiko.

¹³A lolo gi ngalo: Ku na ni nghala lehandle! zi ta dawa le maphangweni.

¹⁴A milomu ya vavasati va matiko i rinzi ga kueta; oyi a nyenyiwako hi Jehova i ta wela lomo.

¹⁵A wupumbu gi namarela mbilwini ya nwanana; anilezi a nhonga ya tsayiselelo yi ta gi susa ka yena.

¹⁶Loyi a tsimbeketako xisiwana wa anzisa wukosi ga xona, anilezi loyi a nyikako ka munhu a fumileko i ta mu maha a kuva muvumali.

¹⁷Koramisa a ndleve ya wena uzwa a timhaka ta titlhari, U nyikela a mbilu ya wena wutivini ga mina.

¹⁸Hakuva zi sasekile loku u zi hlayisa mbilwini ya wena; ontlhe zi tshama milonwini ya wena.

¹⁹Nzi ku gonzisile lezo nyamutlha, ezaku u veka kutsumba ka wena ka Jehova.

²⁰Xana a nzi ku tsalelangi kale a zilo zo saseka, i wusungukati ni wutivi;

²¹Kasi ku ku gonzisa a zinene za timhaka ta lisine; ezaku u ta tiva ku hlamula a timhaka ta lisine ka lava va ku rumileko ke?

²²U nga phangi xisiwana, hilezi xi nga xisiwana; e hambu ku tsimbeketa loyi a hlokiswako laha nyangweni.

²³Hakuva Jehova i ta va yimela, ta lovisa lava va va wutlelako.

²⁴U nga mahi wuxaka ni munhu wa xizangazangani, nga fambi ni munhu a zangarileko;

²⁵Hakuva u nga dzuka u gonza tindlela takwe, ti mahela ziyo ka muhefemulo wa wena.

²⁶U nga hlengeli ni lava va fungako hi ku khomana mandla, a ti boha hi milanzu ya vanwani,

²⁷U nga taku u tsanzeka ku riha, a ku tekela a sango ga wena.

²⁸U nga susi a mbhingano wa kaleloko, owu a vadadani va wena va wu panzileko. [55]

²⁹Wa wona a munhu loyi a ti tlhariheleko ntirweni wakwe ke? ta yima mahlweni ka tihosi; nga ta yima mahlweni ka vanhu va nyalidede.