Read tshwa Mavingu 29 Bible Online

Mavingu 29 - tshwa bible

Mavingu 29

¹Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

²Loku a va kululama va anza, a tiko ga tsaka; anilezi loku a wa kubiha a fuma a tiko ga rila.

³Loyi a ranzako wutlhari wa tsakisa dadani wakwe; anilezi loyi a tolovelanako ni zibhayi, a hangalasa a tshomba yakwe. [73]

⁴A hosi yi tiyisa tiko hi kululama; anilezi leyi yi gi hlengisako ya gi hahlula.

⁵A munhu loyi a xengetelako muakelane wakwe, mu vekela maziyo ka milenge yakwe.

⁶A kugoheni ka munhu wa kubiha ku na ni ziyo; anilezi loyi a lulamileko wa yimbelela a nengela.

⁷A munhu a lulamileko wa xiyisisa a mhaka ya xisiwana; anilezi a wa kubiha a nga khataleli ku yi tiva.

⁸A vatseketseli va vuxa vilinganya mutini, anilezi lava va tlharihileko va rengisa a zanga. [74]

⁹Loyi a tlharihileko, loku a kecarana ni xipumbu, ambu loku a zangara kutani a hleka, cima a nga tava ni kurula.

¹⁰Lava va nga ni tora ga nkhata, va venga loyi a mbheleleko, anilezi lava va lulamileko va yimela kuhanya kakwe.

¹¹A xipumbu xi humesa a zanga ya xona yontlhe; anilezi loyi a tlharihileko wa ti khoma a yi rutisa.

¹²Loku a mufumeli a ingisa mawunwa, ontihe malanza yakwe ma hunzuka ma biha.

¹³A zisiwana ni mutsimbeketi va tlhangana; ontlhe va woningelwa mahlo yabye hi Jehova.

¹⁴A hosi leyi yi lamulako zisiwana hi nongameto, xitshamu xa yona xa wuhosi xi ta tshama kala kupinzuka.

¹⁵A nhonga ni kululeka ku nyika wutlhari; anilezi a nwanana loyi a tsikwako a ti fuma, a wisa tingana nyine wakwe.

¹⁶Loku a va kubiha va anza, a kubiha ka enzeleka; anilezi a va kululama va ta hlalela kuwa kabye.

¹⁷Luleka nʼwana wa wena i ta ku nyika kurula; na, i ta ku nyika litsako mbilwini ya wena.

¹⁸Laha ku nga hiko na kuvululelwa a ku na nayo tikweni; anilezi loyi a hlayisako nayo i katekile.

¹⁹A nanza a gi layiwi hi magezu; akuva hambu loku gi ma pima cima a gi ma ingisi.

²⁰Wa mu wona a munhu loyi a nga ni xihatla kuwulawuleni kakwe ke? xipumbu xa tsumbeka ku hunza a wa ku nghaho. [75]

²¹Loku a nanza gi wundliwa hi ku heniwa kusukela wunwananeni ga gona, kugumeseni gi nga ta kombisa xichavo.

²²A munhu wa xizangazangani i vuxa mazunga; i munhu wa timholova i tala ku hambunyeta.

²³A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. [76]

²⁴Loyi a hlengelako ni khamba, i venga muhefemulo wakwe; oku a hlambanyiswa, cima a nga wuli nchumu.

²⁵A ku chava vanhu ku neha ziyo, anilezi loyi a tsumbako Jehova i ta pona. [77]

²⁶Vanyingi va hlota a thomo ka hosi; anilezi a kulamulwa ka munhu kuta hi ka Jehova.

²⁷A munhu a nga lulamangiko mayalataniso ka loyi a lulamileko, i loyi a tindlela takwe ti basileko manyalataniso ka wa kubiha. [78]