Read tshwa Mavingu 30 Bible Online

Mavingu 30 - tshwa bible

Mavingu 30

¹A timhaka ta Agur, a nʼwana Jake. Yena i lo ti wulawula ka Itiel na Ukal.

²Hakunene, mina nzi hungukile ku hunza vontlhe; nzi na kupima ko kota ka vanwani vanhu.

³Cima a nzi na nga gonza wutlhari, e hambu ku tiva Loyi wa kubasa.

⁴Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

⁵Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

⁶U nga engeteli nchumu ka timhaka takwe, nga ku kawuka, u kumeka na u hi muhembi. [79]

⁷Zilo zimbiri nzi zi kombelako ka wena: nga nzi tsoni na nzi nga se kufa.

⁸A kuxengetela ni mawunwa ngha ziva kule na mina; nga nzi nyiki wusweti hambu wukosi; zi phamele zakuga lezi zi nzi ringanako. [80]

⁹Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

¹⁰U nga hlevi a nanza ka nwinyi wa gona, i nga ku ruka, u kuma nanzu.

¹¹Li kona lixaka li rukako dadani wa lona, i nga dzunziko nyine wa lona.

¹²Li kona ni lixaka li basileko kuwoneni ka lona, asi lezo a li hlaziwangi a chaka ga lona;

¹³Li kona lixaka, O, ma tlakukisile kuyini a mahlo ya lona! tisiyi ta lona ti tlakukile.

¹⁴Li kona lixaka la meno yo khwatsi tisupado, i meno ya machuri me khwatsi mikwana, iga zisiwana laha misaveni, i vavumali xikari ka vanhu.

¹⁵A sunzu wu na ni vanhwana vambiri, vaku: Nyika! Nyika! u na ni zilo zinharu lezi cima zi nga eneliswiko; na, hambu mune zi kona, lezi zi nga wuliko, aku: Zi ringene:

¹⁶A Xeole, ni rumbu ga ngonwa, i misava leyi yi nga taliko hi mati, i nzilo lowu wu nga wuliko, wuku: Zi ringene.

¹⁷A tihlo ga munhu loyi a tseketselako dadani wakwe, i nga vumeliko ku ingisa a nyine wa gona, xikunguwa xa nkova xi ta gi xokola, i mavinyani ya gama ma ta giga. [81]

¹⁸Zilo zinharu lezi zi nzi hlamalisako, na, mune wa zona nzi nga zi tiviko:

¹⁹A ndlela ya gama lomu ndengelengeni; ndlela ya nyoka laha ka ribye; ndlela ya ngalava xikari ka bimbi; i ndlela ya wanuna laha nhwaneni.

²⁰Zinghaho ni ndlela ya wasati wa xibhayi: ga a ti sula nomu, ku: Cima a nzi mahangi kubiha.

²¹Zilo zinharu zi rurumelisako a misava, i mune wa zona yi kalako yi nga zi koti ku zi rwala:

²²A nanza loku gi mahile hosi, i xipumbu loku xi xure;

²³A wasati loyi a nyenyiwako loku a tekwa; i nanza ga xisati loku giga a tshomba ya khosikazi ga gona.

²⁴Ku na ni mune wa zilo zi nga zi tsongwani laha misaveni, anilezi zi tlharihile nguvu:

²⁵A wusokoti lixakana li nga hiko na ntamu, anilezi ga hlengeletela kuga ka gona xikhatini xa ximumu;

²⁶A mivundla cima a yi na ntamu, anilezi yi ti mahela tiyindlu ta yona lomu maribyeni;

²⁷A humbi a yi na hosi, anilezi yi famba khatiginwe hi mabutho;

²⁸A nyacoloti loyi u nga mu khomako hi mandla, asike a enghena lomu tindlwini ta tihosi.

²⁹Ku na ni zilo zinharu zi cuwukelako kufambeni ka zona; i mune lezi mafambela ya zona ma tsakisako:

³⁰A nghala yi nga ni ntamu ku hunza zihari zontlhe; eyi yi nga chaviko nchumu;

³¹A haxi leʼgi longiselweko yimpi; ni mhongo kambe; i hosi leyi yi rangelako yimpi ya yona.

³²Loku u mahile wupumbu hi ku ti kukumuxa, alakanya zo biha, veka canja ga wena nonwini, [82]

³³Hakuva khwatsi hi masi ma humesako mawomba loku ma hakaselwa, i tinhovu ti humesako nkhata loku ti pswhinyingetwa, inghaho a ku hlohlotela zanga ku vanga timholova.