Read tshwa Mavingu 31 Bible Online

Mavingu 31 - tshwa bible

Mavingu 31

¹A timhaka ta hosi Lemueli, a kuprofeta loku a nyine wakwe a nga mu gonzisa.

²Nzi ku laya yini nwananga? Nzi ku laya yini nisanyana wa marumbu ya mina ke? zi ku laya yini nisanyana wa zifungo za mina?

³U nga nyiki a ntamu wa wena ka vavasati, e hambu tindlela ta wena ka lava va lovisako tihosi. [83]

⁴A zi faneli ka tihosi, O, Lemueli, zi faneli ka tihosi a kunwa vinya, e hambu a tihosana a ku navela byala.

⁵Hakuva va nga taku loku va nwile va rivakelwa nayo, a nga ha khatali hi ku yimela timhaka ta lava va hlokiswako.

⁶Nyika byala ka loyi a longileko ku lova, i vinya ka loyi a nga lomu hlomulweni.

⁷Ngha a ginwa a rivala wusiwana gakwe, nga ha alakanyi zikarato zakwe kambe.

⁸Vulula nomu wa wena u yimela timbeveve, i vontlhe lava va karatekako.

⁹Vulula nomu wa wena u lamula hi nongameto, yimela zisiwana ni vavumali.

¹⁰A wasati nene, himani a zi kotako ku mu kuma ke? akuva a tsengo wakwe wu hunza maribye ya lisima.

¹¹A mbilu ya nuna wakwe ya mu tsumba, aha kaku cima a nga ta vumala bhinzu.

¹²I ta mu mahela zinene, na ku nga hi kubiha, ontihe masiku ya kuhanya kakwe.

¹³Wa lava woya ga tiyivu ni wukene, tira hi mandla yakwe na a tlhatlhekile.

¹⁴Yena i kota a taru ga vamahungani, lava zakuga zakwe le kule.

¹⁵Yena i vuka na ga hi wusiku, phamela a ngango wakwe, nyika mitiro ka malanza yakwe.

¹⁶Wa alakanya simu a gi xava; i bhinzu ga mandla yakwe a byala xivina.

¹⁷A ti boha xiwunu xakwe hi ntamu, tiyisa mawoko yakwe.

¹⁸A tiva lezaku a wukwewu gakwe ga bhinzula; i kandiya yakwe cima a yi timeki laha wusikwini.

¹⁹A mandla yakwe ma khoma a nhonga ya ku luka, i titiho takwe ti khoma a nhonga ya ku swula.

²⁰Wa nawuluta canja gakwe ka zisiwana; na, wa chiketa mandla yakwe ka vavumali.

²¹A nga chavi lezaku a ngango wakwe wu xaniseka hi xirami, akuva a nghamu yakwe yontlhe yi ambexilwe tinguwo to dziva.

²²Yena wa ti lukela mikumba yo saseka; kuambala kakwe ka wukene ni xiwunguwungu.

²³A nuna wakwe wa tibyiwa lomu mahubyeni, oku a tshama xikari ka masingalakati ya tiko.

²⁴I maha tinguwo to saseka ta wukene a ti xavisa, xavisa mabhandi ka vamahungani.

²⁵A ntamu ni wudzunzo hi kuambala kakwe; hleka zikhati za ha tako.

²⁶I vulula nomu wakwe hi wutlhari, i lirimi lakwe li luleka hi wunene.

²⁷I hlayisa khwatsi a ngango wakwe, ngagi zakuga za wulolo.

²⁸A vanana vakwe va vuka va mu vitana a katekileko, i nuna wakwe kambe wa mu dzunza.

²⁹Aku: Vanhwana vanyingi va nga va nene; anilezi wena wa va hunza vontlhe.

³⁰A kusaseka ka khohlisa, ni wumbhuri ga hava; anilezi a wasati loyi a chavako Jehova hi yena a ta nga dzunziwa.

³¹Mu nyikeni mihanzu ya mandla yakwe; mitiro yakwe ngha yi mu dzunza lomu tinyangweni.