Read tshwa Mavingu 5 Bible Online

Mavingu 5 - tshwa bible

Mavingu 5

¹Nwananga, ingisa wutlhari ga mina, oramisa a ndleve ya wena kupimisiseni ka mina:

²Kasi wa ti hlayisela mano, i milomu ya wena yi hlayisa wutivi

³Hakuva a milomu ya wasati wa xibhayi yi dona wulombe, i kanwini kakwe ku kulutela ku hunza mafura.

⁴Kanilezi kugumeseni a timhaka takwe ti bava kukotisa manonwe, i kariha kukotisa a supado yi lotilweko matlhelo mambiri.

⁵A mikonzo yakwe yi kongoma kufeni, i wukanzihelo gakwe gi khomelela le Xeole.

⁶A nga khataleli a ndlela ya wutomi, tindlela takwe a ti riyangi, cima a ku na ku ti tiva.

⁷Makunu, vana vanga, nzi ingiseni, u nga hambuki timhakeni ta nomu wa mina,

⁸A ndlela ya wena a yi mu potse, ima u nga tshineli nyangweni ya yindlu yakwe:

⁹U nga dzuki u nyikela a wudzunzo ga wena ka vanwani, i malembe ya wena ka vatitsheku;

¹⁰Kasi a vamatiko va nga xuri hi tshomba ya wena, i ntiro wa wena wu nga kulisi a yindlu ya munwani;

¹¹Hi magumo u rila, aha a nyama ya wena ni miri wa wena na zi hlukurilwe,

¹²Uku: Hikuyini nzi nga ala ku layiwa? ikuyini nzi nga kanyisa laha na nzi kawukiwa;

¹³Nzi nga chavi a gezu ga vagonzisi va mina, e hambu ku koramisa a ndleve ya mina ka lava va nga nzi gonzisa?

¹⁴Kutsongwani ngha nzi welwe hi kontlhe kubiha, omu xikari ka tsombano wa hlengeletano.

¹⁵Nwana mati ya lomu nkeleni wa wena wutsumbu, i mati ma khulungako hlobyeni ya wena.

¹⁶Xana a zibuka za wena zi ta hangalaka lahandle, i micongo ya wena ya mati lomu magonzweni ke?

¹⁷Lezo ngha ziva za wena wutsumbu, i ngavi za vamatiko lava u nga navo.

¹⁸A hlowo ya wena ngha yi katekiswa, nengela ni sati wa wuswa ga wena,

¹⁹A ku khwatsi hi mhuti yi ranzekako, ni pswele ga wumbhuri; mavele yakwe ngha ma ku tsakisa xikhati xontlhe: liranzo lakwe a li tate a mbilu ya wena masiku wontihe.

²⁰U wa ta wungujelwa yini hi wasati wa xibhayi, angarela a sati wa vambe xifuveni xa wena ke?

²¹Hakuva a tindlela ta munhu ti le kuwoneni ka Jehova, i yena a tivako mafambela yakwe wontihe. [16]

²²A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

²³I tafa hi ku kala a nga gonzangi, ta lahleka hi wukulu ga wupumbu gakwe. [17]