Read tshwa Mutshawuteli 6 Bible Online

Mutshawuteli 6 - tshwa bible

Mutshawuteli 6

¹Ku kona a kubiha loku nzi ku wonileko lahasi ka gambo, loku ku binzisako nguvu vanhu, hi loku:

²a munhu loyi Nungungulu a mu nyikileko wukosi, ni titshomba, ni wudzunzo, laha kaku a nga vumali nchumu lexi a mbilu yakwe yi xi navelako, kanilezi Nungungulu a nga mu nyiki ntamu wa ku ziga, kanilezi zi giwa hi wa matiko; lezo a zi nyawuli, i khombo gi bayisako nguvu. [16]

³Loku munhu a pswala zana ga vanana, a hanya malembe yo tala, loku a muhefemulo wakwe a nga xuri hi litsako, a nga kumi ni munhu wa ku mu lahla; nzi tiyisa lezaku loyi a belekiwako na xikhati xakwe xi nga se ku chikela, i katekile ku hunza yena.

⁴Hakuva i belekelwe mahala, a famba munyameni, ni vito gakwe gi fenengetwa hi munyama;

⁵a nga wonangi ni gambo, cima i wa nga gi tivi; kanilezi i na ni kuhumula ku hunza loye munwani.

⁶Ina, hambu loku a nga hanya 2,000 wa malembe, na a nga woni kusaseka—vontlhe a vayi wutshamu ginwe ke?

⁷A ntiro wontihe wa munhu ngwa nomu wakwe; Hambu zi hi tano, a kunavela kakwe cima a ku eneliswi.

⁸A tlhari yi hunza xipumbu hi yini ke? A xisiwana lexi xi tivako ku ti fambela mahlweni ka vahanyako xi vuneka hi yini ke?

⁹A ku wona hi mahlo ku sasekile ku hunza ku fambiswa hi kunavela. Zonawu lezo a zi nyawuli, ku lanzela mheho ntsena.

¹⁰Lexi xi nga kona xi chulilwe vito hi kale, ku wa tibyiwa lezi munhu a ta ngava zona; cima a nga zi koti ku kanetisana ni loyi a mu hunzako hi ntamu.

¹¹Na ku woneka lezaku a kuwulawula ko tala ku anzisa za kunganyawuli, a munhu i bhinzula yini ha kona ke?

¹²Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?