Read tshwa Xizimba xa ka Solomoni 1 Bible Online

Xizimba xa ka Solomoni 1 - tshwa bible

Xizimba xa ka Solomoni 1

¹A xizimba xa zizimba, lexi xi nga ka Solomoni.

²Ngha yena a nzi pswopswa hi kupswopswa ka nomu wakwe, Hakuva a liranzo la wena li chukwana ku hunza vinya.

³Hi kota ya kunanziha ka masema ya mafura ya wena, A vito ga wena gi fanana ni mafura lawa ma chululweko; Hikwalaho a vanhwana va ku ranza.

⁴Nzi koke, hi ta ku lanzela hi ku tsutsuma, A hosi yi nzi nehile tindlwini ta yona. Hi ta nengela hi tsakela wena; Hi ta dumisa a liranzo la wena ku hunza a vinya; Lava va ku ranzako va nani xigelo.

⁵Nzi wa ntima, kanilezi nzi sasekile, O nwina vanhwana va Jerusalema, Nzi fanana ni matenda ya le Kedari, khwatsi a micacalato ya Solomoni.

⁶Mu nga nzi cuwuki hilezi nzi wa ntima, Hakuva gambo gi nzi hisile. A vana va mamani va nzi zangarele; Va lo nzi maha muhlayisi wa zivina; Kanilezi a nzi hlayisangi a xivina xa mina wutsumbu.

⁷Hi nga nzi byela, O wena xiranzwa xa mbilu ya mina, U risela kwihi, hi gihi a zumbo ga mitlhambi ya wena ni hlikanhi; Hakuva hikuyini nzi ta nga fanana ni wasati loyi a hambukako tlhelweni ga mitlhambi ya vanakuloni ke?

⁸Loku u nga zi tivi, wena loyi u sasekileko xikari ka vavasati, Famba u lanza a mikonzo ya mitlhambi, U risa zimbutana za wena kusuhani ni matenda ya varisi.

⁹Xiranzwa xa mina, nzi ku fananisile Ni pswele ya haxi leyi yi kokako a kareta ya Faro.

¹⁰A marama ya wena ma sasekisile hi tidayimani, Ni nhamu ya wena hi wuhlalo ga nzalama.

¹¹Hi ta ku mahela a tiketani ta nzalama, Ti nga ni tibutawu ta siliva.

¹²Laha hosi yi tshamile mubuzweni A narda ya mina ya humesa a masema ya yona.

¹³A muranziwa wa mina wa fanana ni numbi wa mure Lowu wa tshamako xikari ka mavele ya mina.

¹⁴A ka mina a muranziwa wa mina i fanana ni numbi wa zitsangi za henna Za lomu zivineni za le En-Gedi.

¹⁵U sasekisile kuyini xiranzwa xanga! U sasekisile kuyini! A mahlo ya wena me khwatsi matuva.

¹⁶U sasekisile kuyini munghana wa mina, Ina, wa ranzeka! A mubhedi wa hina lihlaza.

¹⁷A minaneko ya yindlu ya hina nja sedari, Ni tivalelo ta langwa la hina i ta kipres.