Read tshwa Xizimba xa ka Solomoni 2 Bible Online

Xizimba xa ka Solomoni 2 - tshwa bible

Xizimba xa ka Solomoni 2

¹Mina nzi xitsangi xa rosa ga le Xaroni, Nzi khonʼwa ga mikova.

²Ina, khwatsi hi khonʼwa xikari ka mizwa, Zinghaho a xiranzwa xa mina xikari ka vanhwana.

³Khwatsi hi sinya ya mamasa xikari ka tisinya ta khwati, Zinghaho ni xiranzwa xa mina xikari ka majaha. Hi litsako la hombe nzi tshama hasi nzhutini wakwe, A mbanzo wakwe wa nanziha nonwini wa mina.

⁴I nzi nehile ndlwini ya mubuzo, A nghapa yakwe hehla ka mina hi liranzo.

⁵Nzi tiyiseni hi zikeketselo za mauva, Mu nzi tangalisa hi mamasa, hakuva nza babya hi liranzo.

⁶A woko gakwe ga xibhabha gi lahasi ka hloko ya mina, Ni woko gakwe ga xinene ga nzi wukarela.

⁷Nza mu hlambanyisa nwina vanhwana va Jerusalema, Hi timhuti kutani hi vamangulwe va lomu khwatini, Mu nga khindlimuxi, hambu ku vuxa liranzo Na li nga se ku zi ranza.

⁸Hi ngazwa, i gezu ga xiranzwa xa mina! Languta, wata, Na tsutsuma zitsungeni, a tlhutlhula zitsunganeni.

⁹A muranzwiwa wa mina i fanana ni mhuti kutani mangulwe muswa. Languta, i yimile lenzhako ka khurisi ga hina, Wu hlomela lomu ka njhanela, Wa cuwuka hi lomu ka mabanga.

¹⁰A xiranzwa xa mina xiku ka mina: Vuka munghana wa mina, lipswitla la mina, a hi sukani.

¹¹Hakuva, languta, a wuxika gi hunzile, A nguva ya tivula yi hunzile.

¹²A zitsangi za hluka misaveni, A xikhati xa ku tena mivina xi chikele, Ni gezu ga tuva ga zwala lomu tikweni ga hina.

¹³A kuwu wu sangula ku pfepfa makuwu, Ni zitsangi za mivina za nuhela. Vuka munghana wa mina, lipswitla la mina, a hi sukeni.

¹⁴Tuva ganga, legi gi nga lomu mikovotlweni ya maribye, Lomu matshanwini ya ku fihlala lomu maribyeni; Hi nga nzi komba a nghohe ya wena, nzizwa gezu ga wena; Hakuva a gezu ga wena ga nanziha, ni nghohe ya wena yi sasekile.

¹⁵Hi khomeleni mahlati, a mahlatana ma gohako zivina; Hakuva a zivina za hina zi pfepfile.

¹⁶A muranziwa wa mina ngwa mina, na mina nzi wakwe; I risa mitlhambi yakwe xikari ka makonʼwa,

¹⁷Kala gica, ni minzhuti yi nyamalala. Wuya xiranzwa xanga, u fana ni mhuti, kutani matsune wa mhutana Lomu zitsungeni za Betera.