Read tshwa Xizimba xa ka Solomoni 3 Bible Online

Xizimba xa ka Solomoni 3 - tshwa bible

Xizimba xa ka Solomoni 3

¹Loku nzi hi mubhedini wa mina ni wusiku, Nzi mu lavile loyi a muhefemulo wa mina wu mu ranzako; Nzi lo mu lava, kanilezi a nzi mu kumangi.

²Nzi ngalo: Nzi ta vuka, nzi fambafamba lomu mutini, Lomu tindleleni ni lomu maphangweni, Nzi ta hlota loyi a muhefemulo wa mina wu mu ranzako. Nzi mu lavile, kanilezi a nzi mu kumangi.

³A varinzeli lava va fambafambako wusiku va lo nzi kuma, Nziku ka vona: Mu mu wonile loyi a muhefemulo wa mina wu mu ranzako ke?

⁴Na nza hi ku va hunza, Nzi lo kuma loyi a muhefemulo wa mina wu mu ranzako. Nzi lo mu khoma, a nzi mu tsikangi, Kala nzi mu yisa ndlwini ya mamani, Lomu tsawini ga loyi a nga nzi beleka.

⁵Nza mu hlambanyisa nwina vanhwana va Jerusalema, Hi timhuti kutani hi vamangulwe va lomu khwatini, Mu nga khindlimuxi, hambu ku vuxa liranzo Na li nga se ku zi ranza.

⁶Himani loyi a humako hi le xiwuleni khwatsi timhinga ta musi, Loyi a nuhelako mure ni makha, Ni mibandwa yontlhe ya vamahungani ke?

⁷Languta, macira ya Solomoni, Na ma ranzelwe hi 60 wa tinhenha, Ti hlawulilweko xikari ka tinhenha ta ka Israeli.

⁸Vontlhe va hlomile tisupado, tinghwazi ta kulwa; Munwe ni munwani i nani supado xiwunwini xakwe, Kasi ku mu lwela kuchaveni ka wusiku.

⁹Hosi Solomoni i lo ti mahela a macira Hi tisinya ta Lebanoni.

¹⁰A timhanze ta wona hi siliva, Ni wuriri ga wona hi nzalama; Ni zitshamu za wona hi zirila, Lomu xikari wu Basisilwe hi liranzo La vanhwana va Jerusalema.

¹¹Humani nwina vanhwana va Zioni, muya wona hosi Solomoni, Ni xidlodlo xa wuhosi lexi a nga tlhatekiwa hi nyine wakwe A sikwini ga kuteka kakwe, Hi siku ga kutsaka ka mbilu yakwe.