Read tshwa Xizimba xa ka Solomoni 6 Bible Online

Xizimba xa ka Solomoni 6 - tshwa bible

Xizimba xa ka Solomoni 6

¹A muranziwa wa wena i yile kwihi, O wena u sasekileko xikari ka vavasati? I yile kwihi a muranziwa wa wena, Kasi ha fela ku mu lava zinwe na wena?

²A muranziwa wa mina i fambile sinwini gakwe, le tinzimeni ta mipepo, A ku ya gisa ntlhambi wakwe, ni ku kolela makonʼwa.

³Nzi wa muranziwa wa mina, ni muranziwa wa mina, wa mina; I risa ntlhambi wakwe xikari ka makonʼwa.

⁴Xiranzwa xanga, u sasekile ku fanana na Tirza, U sasekile ku kota Jerusalema; Wa chavisa ku fanana ni yimpi yi nga ni tinghapa. [3]

⁵Tlhelisa a mahlo ya wena hakuva ma nzi hlulile; Ni misisi ya wena yi khwatsi mitlhambi ya timhuti Leti ti mbambamelako xitsungeni xa Gileadi.

⁶A meno ya wena ma fanana ni tlhambi wa tiyivu, Leti ti tako hi le kuhlaziweni; Tontlhe ti belekileko mahahla, A ku na yinwe xikari ka tona yi nga nyumba.

⁷A marama ya wena ma fanana ni xipanze xa pomegranada Lomu ka veli ya wena.

⁸Ku na ni 60 wa mizinza, ni 80 wa mindlukulu, Ni vanhwana va nga hiko na ku hlayiwa.

⁹Kanilezi a tuva ga mina, a basileko wa mina, munwe ntsena, Hi yena yece ka mamani wakwe; A hlawukileko ka loyi a nga mu beleka. Loku a vanhwana va mu wona, va mu wula loyi a katekileko; Ina, hambu mizinza ni mindlukulu va mu dzunza.

¹⁰Himani loyi a cuwukako khwatsi wuronga, Na a sasekile khwatsi hi hweti, Loyi a xwengulako kukotisa gambo, Ni ku chavisa ku fanana ni yimpi yi nga ni tinghapa?

¹¹Nzi lo relela nziya le sinwini ga mikanyi, Kasi ku ya wona a zibyalo zo nyuka za nkova. Ni ku wona mivina loku yi kari yi hluka, Loku a sinya ya pomegranada yi baleka zitsangi.

¹²Hambu loku nzi nga zi tivi a kunavela ka mina Ku nzi yisile tikareteni ta Aminadibi.

¹³Tlhela, tlhela, O Xulamite, Tlhela, tlhela kasi ha fela ku ku wona. Mu ta langutela yini ka muXulamite, Khwatsi i khino wa tiyimpi timbiri?