Read tshwa Xizimba xa ka Solomoni 7 Bible Online

Xizimba xa ka Solomoni 7 - tshwa bible

Xizimba xa ka Solomoni 7

¹Yi sasekisile kuyini milenge ya wena zilatweni, O nhwana wa hosi! Ni magunyungu ya matsambokulu ya wena me khwatsi tidayimani, Lowu wu nga ntiro wa mandla ya titlhari.

²A nkava wa wena wu khwatsi i gombe gi sasekisilweko, Legi gi teleko hi vinya go nanziha; Ni rumbu ga wena gi khwatsi i nhulu ya mavele, Lawa ma renzekelweko hi makonʼwa.

³A mavele ya wena ma fanana ni timhutana timbiri, Leti ti nga mahahla.

⁴A nhamu ya wena yi khwatsi i khokhola ga timhonzo ta tindlovu; A mahlo ya wena me khwatsi mativa ya le Hexboni, Kusuhani ni nyangwa ya Bat-Rabim; A nhovu ya wena yi fanana ni khokhola ga Lebanoni, Legi gi nga ngomama ni Damasku.

⁵A hloko ya wena yi tlakukile ku fanana na Karmeli; Ni misisi ya hloko ya wena njo zirila; A hesi yi phasilwe hi yona. [4]

⁶U sasekile, ni kambe wa ranzeka nguvu, O muranziwa wa mina, kutsakeni ka liranzo.

⁷A xiyimo xa wena xi fanana ni sinya ya cinzu; Ni mavele ya wena ma fanana ni zitata za yona.

⁸Nziku: Nzi ta kanziha lomu sinyeni ya cinzu, Nzi khoma maravi ya wona; A mavele ya wena a mave ku khwatsi zitata za vina, Ni kunuhela ka kuhefemula ka wena khwatsi masema ya mamasa.

⁹A nomu wa wena a wu fanane ni vinya go nanziha. Legi gi chelelweko muranziwa wa mina; Gi retemukako milonwini ya lava va etlelako.

¹⁰Nzi wa muranziwa wa mina, Ni kuxuva kakwe ku nzi kongoma.

¹¹Ngone xiranzwa xanga, A hi hume hiya masinwini; A hiye hi ya etlela zimitaneni.

¹²A hi vinzuke ni mixo hiya zivineni. Hiya wona loku mavina ma kari ma pfepfa, Ni loku a zitsangi za wona zi balekile, Ni loku a zitsangi za pomegranada zi rumbukile; Laho nzi ta ku nyika liranzo la mina.

¹³A mandragona ma humesa masema ya wona yo nuhela, Ni le tinyangweni ta hina ku nani tixaka tontlhe ta mihanzu yo nanziha, Ya yiswa ni ya kale, Leyi nzi ku hlayiseleko yona, xiranzwa xanga.