Read tshwa Isaya 15 Bible Online

Isaya 15 - tshwa bible

Isaya 15

¹Hi wusiku legi Are wa le Moabi a nga hahlulwa ha gona, ku su cuwe! Hi wusiku Kira wa le Moabi a nga hahlulwa ha gona, ku la su cuwe!

²Va le Bayite ni va le Diboni va kanzihile va ya rila zitsungeni zi tlakukileko; Moabi i kwanguluka hehla ka Nebo na Medeba; A tihloko tabye tontlhe ti halulwe, ni zilevu zi tsenwilwe.

³Lomu maphangweni yabye va ambele tisakwa, va rila; Le hehla ka tiyindlu tabye ni lomu tihubyeni va hlomula ni ku tsikwila.

⁴Hexboni na Eleale va rila, A magezu yabye ma zwala ni le Jahaza. Hikwalaho a tinhenha ta Moabi ta rila, A moya wakwe wu rurumela nzeni kakwe. Mitse. 21:23, 26 Jer. 48:34

⁵A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

⁶Hakuva a mati ya le Nimrime ma tapswha; Hakuva a byanyi gi wunile, a ka ha hi na lihunga.

⁷Hikwalaho a titshomba ti seleko, ni lezi v a zi veketeieko, Va zi yisa congweni wa ziphutsu.

⁸Hakuva a huwa yi renzelekele a tiko gontlhe ga Moabi, A kukanyuluka kabye ku zwele ni le Eglaime, ni le Beer-elime.

⁹Hakuva a mati ya Dimoni ma tele hi nkhata. Nza ha ta engeta hehla ka Dimoni, A nghala yi ta wela hehla ka lava va tsutsumileko hi ka Moabi, ni misalela ya tiko.