Read tshwa Isaya 20 Bible Online

Isaya 20 - tshwa bible

Isaya 20

¹A ka lembe lego Tartani a ngata ha gona le Axdode, na rumiwa hi Sargoni, a hosi ya le Assiria, i lolwa na Axdode a gi hlula, [43]

²a ka xikhati xwalexo Jehova i lo wulawula ha Isaya a nʼwana Amozi, aku: Famba u ya tlhatlha a sakwa yi nga xiwunwini xa wena, u susa ni zilato mikonzweni ya wena. I lo maha lezo, a famba ximbyiri, na a nga hi na zilato. [44]

³Na Jehova i te ngalo: Khwatsi hilezi a nanza ga mina Isaya a tshamileko a hi ximbyiri, a nga hi na zilato malembe manharu, a kuva xikombiso ni xihlamaliso ka Gipite na Etiopia;

⁴hilezo a hosi ya le Assiria yi ta fambisa a tiperesu ta maGipite, ni lava va khomilweko le Etiopia, laʼvaswa ni zikhosana, va hi zimbyiri va nga hi na zilato, ni matshako yabye ma nga fenengetwangi, ti hi tingana ta Gipite.

⁵Zonake vanhu va ta rurumela, vava ni tingana hi kota ya Etiopia loyi va mu tsumbako, ni Gipite legi va nga ti dzunza ha gona.

⁶A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?