Read tshwa Isaya 3 Bible Online

Isaya 3 - tshwa bible

Isaya 3

¹Hakuva, languta, a Hosi Jehova wa tiyimpi i ta tekela Jerusalema na Juda a xihiketelo xontlhe ni chetengelo wontihe, a kuga kontlhe ni zakunwa, [10]

²a tinhenha ni masochwa, a valamuli ni vaprofeti, a vangoma ni masingalakati,

³a tinduna ni tihosi, a masungukati ni vameseri, ni vavumbi va tlharihileko.

⁴Nzi ta va nyika majaha a kuva tihosana tabye, ni zihlangana zi ta va fumela.

⁵A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

⁶Laha munhu a ta nga khoma nakulobye a ndlwini ya raru wakwe, aku: Wena u na ni xifenengelo, ngha uve mufumeli wa hina, a rumbi legi gi ta hlayiswa hi wena,

⁷a ka lego siku i ta hlamula, aku: Mina nzi nga tava muchumi, hakuva a ndlwini ya mina a ku na zakuga hambu ni kuambala; mu nga nzi mahi mufumeli wa vanhu.

⁸Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

⁹A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. [11]

¹⁰Wulani lezaku lava va lulamileko va katekile, hakuva va taga a mbhanzo wa zimaho zabye.

¹¹Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

¹²A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

¹³Jehova i vukile kasi ku wulawula, i yimile kasi ku lamula matiko.

¹⁴Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. [12]

¹⁵Hikuyini mu hlokisako tiko ga mina, ni ku pswhandlasa zisiwana ke? ku wula Hosi Nungungulu wa tiyimpi. A kulamulwa ka vanhwana va Zioni.

¹⁶Tlhatakumbiri, Jehova i ngalo: Khwatsi hilezi a vanhwana va le Zioni va ti kukumukisako, va kombisa matshanza hi tinhamo tabye, a mahlo yabye ma tele hi kukhohlisa, va famba hi ku ti nyanga, na va fambisa hi masinza ya milenge;

¹⁷hikwalaho a Hosi yi taba hi xigwere a tihloko ta vanhwana va le Zioni, Jehova i ta funungula wumbyiri gabye. [13]

¹⁸A sikwini lego a Hosi yi ta susa a manayila va ti bombisako ha wona mahlakaleni yabye, ni zilemba zabye, ni masinza;

¹⁹a zingwavila, ni mihono, ni tilesu,

²⁰ni matlele, ni tiketani ta mahlakala, ni miceka, ni tinghaxa ta mipepo, ni zitsungulo,

²¹a tiphera, ni tidayimani ta tinhovu,

²²a tinguwo ta mibuzo, ni mabhaji; ni majasi, ni zikhwama,

²³a mawoni, ni mahembe ya wukene, ni maduku, ni tiveli.

²⁴A wutshanwini ga mipepo yo nuhela ku tava kona kubola, a wutshanwini ga bhandi ku tava kona a gota; a wutshanwini ga misisi yi xamulweko khwatsi ku tava kona a tipandla; a wutshanwini ga nguwo ya mubuzo ku ta ambaliwa tisakwa; a wutshanwini ga wumbhuri ku tava kona a mapswhapswhati ya ku hiswa hi xiketse.

²⁵A vavanuna va wena va ta dawa hi supado, ni tinhenha ta wena ti ta mbhelela yimpini.

²⁶A tinyangwa ta Zioni ti tava hlomulweni ni kurileni; yena i tava loyi a phangilweko a tshama lahasi.