Read tshwa Isaya 45 Bible Online

Isaya 45 - tshwa bible

Isaya 45

¹Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

²Mina nzi ta ranga mahlweni ka wena, Nzi lulameta a matshamu ya zitsunga; Nzi ta tshoveletela a tivati ta suku, Nzi tshova a zikwinyaro za ziketse.

³Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

⁴Hi kota ya nanza ga mina Jakobe, Ni a hlawulilweko wa mina Israeli, Nzi ku vitanile hi vito ga wena; Nzi ku nyikile vito ga wudzunzo na u nga se ku nzi tiva.

⁵Hi mina Jehova, a ku na munwani, A nga kona Nungungulu ahandle ka mina, Nzi ku bohile bhandi na u nga se nga nzi tiva, [113]

⁶Kasi va fela ku zi tiva kusukela Mutsuwuka-gambo kala Muhlwa-gambo Lezaku a ku na munwani a handle ka mina; Lezaku nzi Jehova, a nga kona munwani.

⁷Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

⁸Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

⁹Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. [114]

¹⁰Khombo ka loye a wulako ka raru wakwe, aku: U nzi pswalele yini? Ni ka nyine wakwe aku: U lunwelwe yini ke?

¹¹Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

¹²Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

¹³Hi mina nzi vuxileko Kurusi kululameni ka mina, Nzi ta lulameta tontlhe tindlela takwe. I ta aka a muti wa mina, a tlhatlhisa vakhomilweko va mina, Na a nga zi mahi hi kota ya nzhiho kutani nchachazelo, Ku wula Jehova wa tiyimpi.

¹⁴Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

¹⁵Hizinene u Nungungulu loyi a ti fihlako, O Nungungulu wa ka Israeli, u Muhanyisi.

¹⁶Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

¹⁷Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

¹⁸Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

¹⁹A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. [115]

²⁰Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

²¹Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

²²Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

²³Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

²⁴Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

²⁵A ka Jehova vontlhe a vana va ka Israeli va ta hlayelwa kululama, Va ti kulisa ha yena.