Read tshwa Isaya 54 Bible Online

Isaya 54 - tshwa bible

Isaya 54

¹Yimbelela hi kutsaka, O ngonwa, Wena loyi u nga pswaliko; Tlhava zizimba u banguluka wena loyi u kalako u nga se ku lunwa hi nyimba! Hakuva a vana va loyi a tsikilweko va tele Ku hunza a vana va loyi a tekilweko, ku wula Jehova. [158]

²Anamisa a wutshamu ga tenda ga wena, U lehisa a tinguwo ta tenda ga wena; u nga chavi. Lehisa a tingoti ta wena, U tiyisa a timhingu ta wena.

³Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

⁴U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

⁵Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. [159]

⁶Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

⁷Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.

⁸Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

⁹Kota lezi nzi nga maha masikwini ya Noa, Hakuva kota lezi nzi nga hlambanya Lezaku a ntalo wa Noa wu nga ta ha tlhelela misaveni; Hizalezo nza hlambanya makunu lezaku cima nzi nga ta ku zangarela kambe, Ge hambu ku ku kawuka.

¹⁰Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. [160]

¹¹O wena loyi u hlokiswako, u nzuliswako hi bhubhutsa, Na u nga hi na muchaveleli, Nzi ta ku akisa hi maribye ya lisima, Nzi aka a ziseketelo za wena hi masafire. [161]

¹²Nzi ta aka makhokhola ya wena hi maribye ya rubi, Ni tinyangwa ta wena hi karbunkele, Ni ligingisi la wena li ta akiwa hi maribye ya lisima.

¹³Vontlhe a vana va wena va ta maha vapizani va Jehova, A vana va wena va tava ni kurula ka hombe. [162]

¹⁴U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

¹⁵Languta, va nga ku xiyelela, kanilezi a ziti hi ka mina; Ni wihi loyi a ku xiyelelako i tawa mahlweni ka wena.

¹⁶Languta, hi mina loyi nzi vangileko a mufuli Loyi a buvetako a nzilo wa makhala, A fula tlhari gi ringeneko ni ntiro wa gona, Kanilezi kambe nzi vangile a mulovisi loyi a lovisako.

¹⁷A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.