Read tshwa Isaya 56 Bible Online

Isaya 56 - tshwa bible

Isaya 56

¹Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. [166]

²I katekile a munhu loyi a mahako lezo. Ni nʼwana wa munhu a namarelako ka zona, Loyi a hlayisako a sabado a nga gi nyenyezisi, Loyi a nga mahiko kubiha hi canja gakwe. [167]

³A muluveli loyi a ti nyiketeleko ka Jehova, a nga wuli, aku: Jehova i ta nzi hambanyisa ni tiko gakwe. Ge hambu a thenwa a wu wuli, wuku: Mina nzi sinya yi womileko! [168]

⁴Hakuva Jehova i ngalo: A mithenwa leyi yi hlayisako a masabado ya mina, Leyi yi hlawulako lezi zi nzi xalalisako, Va hlayisako a xivumelwano xa mina,

⁵Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. [169]

⁶Ni vamatiko lava va ta nga namarela ka Jehova, Va mu tirela, va ranza a vito ga Jehova, Va maha malanza yakwe, Vontlhe lava va hlayisako a sabado, va nga gi nyenyezisi, Va hlayisa a xivumelwano xa mina,

⁷Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. [170]

⁸Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

⁹Nwina nwentlhe zihari za khwati, ngonani mu taga, Ina, tanani nwina zivanza za khwati.

¹⁰A varinzeli vakwe vontlhe zikhumu, a va tivi nchumu; Vona vontlhe timbyana ta ziwiri, a va zi koti ku wukula; Mba miloro wurongweni gabye, va ranza ku khudzehela.

¹¹Ina, timbyana ta makhobomu, ci ma a va eneliswi. A va kunghaho mbarisi, lava va nga pimiko nchumu; Vontlhe va famba hi tindlela tabye wutsumbu, Munwe ni munwani i ti lavela bhinzu gakwe.

¹²Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! [171]