Read tshwa Jeremia 11 Bible Online

Jeremia 11 - tshwa bible

Jeremia 11

¹A mhaka leyi yi tile ka Jeremia hi ka Jehova, yiku:

²Ingisani a timhaka ta xivumelwano lexi, mu ti hlawutela ka vavanuna va ka Juda, ni ka vaaki va le Jerusalema;

³uku ka vona: Jehova, a Nungungulu wa Israeli i ngalo: I rukatelwe a munhu loyi a nga ingisiko a timhaka ta lexi xivumelwano, [72]

⁴lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, [73]

⁵kasi nza tiyisa a xifungo lexi nzi xi hlambanyileko ka vararu va nwina: xa ku va nyika a tiko gi khulungako masi ni wulombe, kota lezi ku nga ha zona nyamutlha. Zonake nzi lo hlamula, nziku: Amen, O Jehova!

⁶Zonake Jehova i lo wula ka mina, aku: Kanela tontlhe leti timhaka a mitini ya ka Juda, ni lomu maruweni ya Jerusalema, Uku: Ingisani a timhaka ta lexi xivumelwano, mu maha tona.

⁷Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! [74]

⁸Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

⁹Jehova aku ngalo ka mina: Ku mahiwa xikungo xikari ka vavanuna va ka Juda ni vaaki va Jerusalema.

¹⁰Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

¹¹Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. [75]

¹²Zonake a miti ya ka Juda ni vaaki va Jerusalema, va ta ya rila ka vanungungulu lava va nga va hisela libani, kanilezi cima, va nga ta va ponisa a sikwini ga khombo gabye.

¹³Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. [76]

¹⁴Hikwalaho u nga va kombeleli lava vanhu; u nga dzuki u tlakusa gezu ha vona hi mikombelo, hakuva nzi nga ta vazwa a xikhati va rilako ka mina hi kota ya khombo gabye.

¹⁵Xiranzwa xa mina i maha yini lomu ndlwini ya mina lezi a mahileko a manyala yo hlaya ke? A zifungo ni nyama yi basileko zi nga susa a kubiha ka wena ke? Loku u maha zo biha hi kona u tsakako!

¹⁶Jehova i ku chulile vito, gaku: Oliva yi nyukileko ya mihanzu yo saseka. Hi guwa ga hombe ga mududumela i yi hisile hi nzilo, a maravi ya yona ma hapukele.

¹⁷Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

¹⁸Jehova i nzi tivisile, nzi zi tivile; u nzi kombisile a mitiro yabye.

¹⁹Mina nzi wa fanana ni yivana yo rula yi yiswako kudaweni; nzi wa nga zi tivi lezaku va wa hi ni xikungo xo nzi vukela, xaku: A hi dikheni sinya ni mbhanzu wa yona, hi mu tsuwula tikweni ga vahanyako, kasi a vito gakwe gi nga ha alakanyiwi.

²⁰Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. [77]

²¹Hikwalaho zakunghahi a wulako Jehova hi vanhu va le Anatoti, lava va lavako ku ku daya, vaku: U nga profeti vitweni ga Jehova, kasi u ngafi mandleni ya hina!

²²Jehova wa tiyimpi i ngalo: Nzi ta va tsayisa: a majaha ma ta dawa hi supado; a vana vabye va xinuna ni va xisati va tafa hi ndlala.

²³Ku nga ta sala ni munwe wabye; hakuva nzi ta neha khombo hehla ka vanhu va le Anatoti, hi lembe ga kutsayiswa kabye.