Read tshwa Jeremia 12 Bible Online

Jeremia 12 - tshwa bible

Jeremia 12

¹A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? [78]

²Wena u va byalile, va zimile mitsu; Va kula, va phandlula mihanzu. Wena u kusuhi ni milomu ya bye, Kanilezi u le kule ni timbilu tabye.

³O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.

⁴Xana kala rini a tiko na gi keta. A khubyanyi na gi woma mikoveni. Hi kota ya kubiha ka lava va akileko lomo ke? A zihari ni zinyanyani za lova, Hakuva ve ngalo: A nga ta wona kugumelwa ka hina.

⁵Loku u palisana ni vanhu hi ku tsutsuma, va ku siya. Xana u ta palisanisa kuyini ni mahaxi ke? Loku u nga tshamela lomu tikweni ga kurula, Xana u ta mahisa kuyini xihlahleni xa Jordani ke?

⁶Hakuva na vona vanakuloni ni yindlu ya raru wa wena va ku khohlisile; Va ku kulumela. U nga va kholwi hambu loku vo wulawula a magezu yo saseka.

⁷Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

⁸A tshomba ya mina yi nzi vukela ku fanana ni nghala lomu khwatini; Yi nzi dzumela, hikwalaho nzi yi swirekele.

⁹Xana a tshomba ya mina yi ka mina kukotisa a makoti ya mivalavala? Loku zi hi tano a makoti ma ta yi vukela hi matlhelo wontihe. Yanani, mu ya tsombanyisa zontlhe zihari za khwati, zi ta yi khadamula.

¹⁰A varisi vo tala va gohetele a xi vina xa mina, Va kanzihele a simu ga mina; A simu ga mina go saseka va gi mahile xiwula.

¹¹Va gi onhile, Ga rila ka mina hakuva gi mahisilwe rumbi; A tiko gontlhe gi mahile rumbi, Hakuva a ku na munhu a gi chelelako kota.

¹²A vahahluli va tile le zitsungeni zontlhe za xiwula, Hakuva a supado ya Jehova yi khadamula ku sukela magumo kala magumo manwani ya tiko; A ku na munhu ni munwe a tova ni kurula.

¹³Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. [79]

¹⁴Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

¹⁵Kanilezi anzhako ka kuva na nzi va tsuwule, nzi ta tlhela nzi va zwela wusiwana, nzi ta va tlhelisa munwe ni munwani a tshombeni yakwe, munwe ni munwani a tlhelela tikweni gakwe.

¹⁶Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. [80]

¹⁷Kanilezi loku va nga ingisi, nzi ta tsuwula a tiko legi gi lova, ku wula Jehova.