Read tshwa Jeremia 30 Bible Online

Jeremia 30 - tshwa bible

Jeremia 30

¹A mhaka ya ka Jehova yi ngata ka Jeremia, yiku:

²Jehova, a Nungungulu wa Israeli i ngalo: Tsala lomu ka bhuku tontlhe a timhaka leti nzi ku byelileko.

³Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

⁴Hi tona timhaka leti Jehova a nga ti wula xungetano hi Israeli na Juda.

⁵Jehova i ngalo: Hi zwile a gezu ga kururumela, A kuchava ku kona, kurula ku hava.

⁶Wutisani makunu, xana a wanuna a nga zi kota ku pswala ke? Hikuyini nzi wonako a vavanuna a munwe ni munwani a ti khomako xiwunu kota wasati a lunwako ke? Hikuyini a tinghohe tontlhe ti tshuvikileko ke?

⁷Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. [152]

⁸Hi ka siku lego, ku wula Jehova wa tiyimpi, Nzi ta pfutlata a muyoko nhanwini ya Wena, Nzi ta phewula a magota ya wena, Cima a nga ta ha fumiwa hi vamatiko.

⁹Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

¹⁰Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

¹¹Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

¹²Hakuva Jehova i ngalo: A mbanga ya wena a yi chumeki, Ni khoro ga wena a gi holi.

¹³A nga kona a ku yimelako, Ni ku alaha a xilonza xa wena, U hava muri wo chuma.

¹⁴A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

¹⁵Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

¹⁶Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

¹⁷Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

¹⁸Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

¹⁹Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

²⁰A vana vabye va tava kota kale, A nhlengeletano yabye yi ta tiya mahlweni ka mina; Nzi taba vontlhe a vatsimbeketi vabye.

²¹A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

²²Nwina mu tava vanhu va mina, Na mina nzi tava Nungungulu wa nwina.

²³Langutani, a xipupuri xa Jehova, xi nga xiviti xakwe, xi vindlukile hi ntamu, xo fana ni xingulu; xi ta wela hehla ka tihloko ta vabihileko.

²⁴A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.