Read tshwa Jeremia 4 Bible Online

Jeremia 4 - tshwa bible

Jeremia 4

¹Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

²Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. [25]

³Hakuva Jehova i ngalo ka vavanuna va ka Juda ni ka Jerusalema: Rimani a mafusi ya nwina, mu nga byali xikari ka mizwa,

⁴Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. [26]

⁵Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

⁶Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

⁷A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

⁸Hikwalaho ti boheni a tinguwo ta tisakwa, Mu rila ni ku tsikwila; Hakuva a a zanga yo tshisa ya Jehova a yi sukangi ka hina.

⁹Ku ta maheka ka lexo xikhati, ku wula Jehova, lezaku a hosi ni tihosana ti ta tsemeka mihlana, ni masingalakati ma ta rewukiswa, a vaprofeti va hlamala.

¹⁰Zonake nzi lo wula mina, nziku: Ha, Hosi Jehova, hakunene u khohlisile nguvu a vanhu lava ni Jerusalema, uku: Nwina mu tava ni kurula. Kasike a supado ya va tlhava, va kusuhi ni kufa. [27]

¹¹A ka lexo xikhati ku ta byeliwa ka lava vanhu ni ka Jerusalema, ku ngalo: A mheho yo hisa ya le migangeni ya xiwula yite tshonono ni nhanyana wa vanhu va mina, na ku nga hi ku hehera ni ku checheta.

¹²A xingulu xi tata hi kulaya ka mina. Makunu nzi ta va lamula.

¹³A nala i tata kota refu, Ni tikareta takwe ti kota xipupuri; A mahaxi yakwe ma hatlisa ku hunza magama. I khombo ka hina, hakuva hi Iovile! [28]

¹⁴Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

¹⁵Hakuva a gezu ga zwala hi le Dani, Gi zwata a khombo ni le zitsungeni za Efraime.

¹⁶Byelani matiko, mu tivisa Jerusalema, Lezaku a vavimbezeli vata hi le tikweni ga le kule, Va huwelela hi magezu yabye a ku vukela a miti ya ka Juda.

¹⁷Va mu renzelekele xikari kota a varinzeli va simu, Hakuva i nzi hluwukile, ku wula Jehova. [29]

¹⁸A mahanyela ya wena ni mitiro ya wena zi ku vuxele lezi zilo, Hi wona mbhanzu wa kubiha ka wena, Kunene wa bava, ka bayisa ni lomu mbilwini.

¹⁹Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

²⁰Ka biwa hungu hi lobyiselelo hehla ka lobyiselelo, Hakuva tiko gontlhe gi hahlulwe. A matenda ya mina ma khungumulwa hi xitshuketi, Ni mixaxa ya mina hi xikhatanyana.

²¹Nzi ta wona a nghapa kala rini, Ni kuzwa a gezu ga mpunzu ke?

²²Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. [30]

²³Nzi wonile a misava, Yi wa nga hi na xiwumbeko, yi nga hi na nchumu; Nzi cuwuka matilo, ma wa nga hi na kuwonekela.

²⁴Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

²⁵Nzi lo lunguza, languta ku wa nga hi kona ni munwe munhu; Ni tontlhe a tinyanyani ta tilo ti wa purumile. [31]

²⁶Nzi lo lunguza, languta, a tiko go nona gi wa hunzukile xiwula; Ni yontlhe a miti ya gona yi wa hahlulwe Mahlweni ka Jehova, ni mahlweni ka kuhisa ka zanga yakwe.

²⁷Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

²⁸Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

²⁹A muti wontihe wu tsutsuma wu chava Hi kota ya guwa ga vakhileli va mahaxi ni vamawura; Va fihlala lomu ka tikwara, na va kanziha hehla ka maribye. Yontlhe miti ya siyiwa, a ku na munhu kona.

³⁰U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

³¹Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!