Read tshwa Jeremia 47 Bible Online

Jeremia 47 - tshwa bible

Jeremia 47

¹A gezu ga Jehova legi gi ngata ka muprofeti Jeremia xungetano ni maFilistia hi mahlweni Gaza na gi nga se ku hlaselwa hi Faro. [198]

²Jehova i ngalo: Languta, a mati ma kukumuka le Nwalungu, Ma ta maha a congo wu khulungako; A tiko ga talelwa ni zontlhe zi nga ka gona, A muti ni lava va nga ka wona. A vanhu va taba huwa, Ni vaaki vontlhe va lomu tikweni va ta rila.

³Hi kota ya zigingi za mahaxi yakwe, Ni guwa ga kutsutsuma ka tikareta takwe, Ni guwa ga maranzani ya tona, A vabeleki a va ha cuwuki vanana vabye hi kota ya kurereka ka mawoko,

⁴Hi kota ya siku legi gi tako ku ta hlasela maFilistia wontihe, Ga ku ta hetisa vontlhe vavuni lava va seleko lomu Tire na Sidoni; Hakuva Jehova i ta lovisa maFilistia lawa ma seleko xihlaleni xa Kaftore. [199]

⁵A tikuluwa ti tava kona le Gaza, Axkeloni i lovile ni misalela ya nkova wakwe. U ta ti cekelela kala rini?

⁶Wena supado ya Jehova, u ta humula rini? Tlhelela kocelweni wa wena, humula u rutisa.

⁷Kanilezi u ta humulisa kuyini, Lezi Jehova a nga ku leletela a kulwa na Axkeloni, Ni fungu wa bimbi laha yi rumiwako kona?