Read tshwa Jeremia 49 Bible Online

Jeremia 49 - tshwa bible

Jeremia 49

¹Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? [203]

²Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

³Bana huwa wena Hexboni, hakuva Ai i hahlulwe. Rilani nwina vanhanyana va Rabba, ambalani tinguwo ta tisakwa. Tlhavani nkosi, mu renzelekela lomu tigingisini, hakuva Malkamu i taya wukhumbini, zinwe ni vapristi vakwe ni tihosana takwe.

⁴Hikuyini u ti kukumukisako hi kota ya minkova, a nkova wa wena wu khulungako mati, wena nhwana u ti alisako? Wena loyi u tsumbako a titshomba ta wena, uku: Himani a ta ngata a ta nzi vukela ke?

⁵Nzi ta ku nehela hlenekera hi ka matlhelo wontihe, ku wula Hosi, Jehova wa tiyimpi; mu ta hangalaswa munwe, ni munwani ka tlhelo legi a nga ka gona, a nga kona loyi a ta nga tsombanyisa lava va tsutsumako.

⁶Kanilezi anzhako ka xikhati nzi ta tlhelisela a vana va ka Amoni lava va nga le wukhumbini, ku wula Jehova. A xiprofeto ha Edome.

⁷Xungetano ni ha Edome: Jehova wa tiyimpi i ngalo: Le Temani a ga ha hi kona wutlhari ke? A titlhari a ta ha hi na wusungukati ke? A wutlhari gabye gi mbhelile ke? [204]

⁸Tlhelani, mu tsutsuma, mu ya tshama xihundleni, nwina vaaki va le Dedani; hakuva nzi ta nehela hlokiselelo Esau a xikhati nzi ta nga mu tsayisa.

⁹Loku a vakoleli ya mauva vata ka wena, va nga ta siya yo kutsula; loku makhamba mata ni wusiku ma ta onha kala ma eneliswa.

¹⁰Hakuva mina nzi runzuwulele Esau, nzi funungule a wuchavelo gakwe, a nga ta ha zi kota ku fihlala. A vana vakwe va lobyisilwe, ni vanakulobye, ni vaakelane vakwe, a nga ha hi kona.

¹¹Siya a zisiwana za wena, nzi ta va hlayisa va hanya; ni tinoni ta wena a ti tsumba mina.

¹²Hakuva Jehova i ngalo: Lava va nga yimelwe hi ku kala va nganwi a gombe, va tanwa futsi. Hi wena loyi u to kala u nga tsayisiwi ke? U nga ta tsikiwa, u tanwa futsi. [205]

¹³Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

¹⁴Nzi zwile mahungu hi ka Jehova, ni ntsumi wu runwilweko xikari ka matiko, wuku: Tsombanani mu mu vukela, yimani muiwa yimpi.

¹⁵Hakuva nzi ku mahile tsongwani xikari ka matiko, ni wo kanyiseka xikari ka vanhu.

¹⁶A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

¹⁷Edome i ta hunzuluka a maha xirewukiso. Ni wihi a ta nga hunza ha kona i ta hlamala, aba noti hi ku wona a makhombo wontihe ya kona.

¹⁸Khwatsi hi kuhahlulwa ka Sodoma ni Gomora, ni miti ya kona ya lomu kusuhani, ku wula Jehova, ku nga ha aki munhu kona, ge hambu a nʼwana wa munhu a luvela kona. [206]

¹⁹Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

²⁰Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Temani. Futsi va ta rorovisela lava va tsongwani va tlhambi; ni wugelo gabye gi ta onhiwa zinwe navo.

²¹A misava ya rurumela hi guwa ga kuwa kabye; a kurila kabye ka zwakala ni le Bimbini go Pswhuka.

²²Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

²³Xungetano ni ha Damasku: Hamate na Arpade va chelilwe tingana, hakuva va zwile a mahungu yo biha, va na ni gome; ku kona kukarateka le bimbini, a ku na kurula.

²⁴Damasku i rerekile, i ti longisela ku tsutsuma, wa rurumela; i khomilwe hi kubayiseka ni kuxaniseka kukotisa a wasati loyi a lunwako.

²⁵Hikuyini va nga kala ku wu tsika a muti lowu wu dumileko, a muti wa litsako la mina?

²⁶Hikwalaho a majaha yakwe ma tawa maruweni yakwe, ni vanhu vakwe vontlhe va yimpi va ta mbhetwa hi siku lego, ku wula Jehova wa tiyimpi.

²⁷Nzi ta dzivela a nzilo lomu khurisini ga Damasku, wu ta hisa a ziluvelo za Ben-hadade.

²⁸Xungetano na Kedare ni matiko ya le Hazora, lawa Nebukadrezzare a hosi ya Babuloni a ma hlaseleko, Jehova i ngalo: Sukani mu kanziha muya Kedare, mu onha a vana va Muhuma-gambo.

²⁹Va ta phanga matenda yabye ni mitlhambi yabye, va ta ti tekela a tinguwo tabye ni zibya zabye, ni makameli yabye; zonake va taba huwa kabye: Ka tshisa matlhelo wontihe.

³⁰Tsutsumani muya kule, mu ya tshama xihundleni, nwina vaaki va le Hazora, ku wula Jehova, hakuva Nebukadrezzare a hosi ya le Babuloni i mu tsemele xikungo, i mu akele mano yo mu vukela.

³¹Sukani, muya tikweni legi gi nga kuruleni, gi tshamekileko, ku wula Jehova; a tiko gi nga hiko na tinyangwa hambu zikwinyaro, gi tshamileko gi hi gocb.

³²Mu ta phanga a makameli yabye ni mitlhambi yabye ya hombe. Nzi ta va hangalasa matlhelo wontihe lava va cingileko a xifoko xa misisi yabye; nzi ta va nehela makhombo matlhelo wontihe, ku wula Jehova.

³³Hazora gi tava wutshamu ga mahlolwa, giva xiwula kala kupinzuka. A ku na munhu a ta nga aka lomo, ge hambu a nʼwana wa munhu a ku luvela kona.

³⁴A gezu ga Jehova legi gi ngata ka muprofeti Jeremia, xungetano na Elami, a kusanguleni ka kufuma ka Zedekia a hosi ya ka Juda, giku:

³⁵Jehova wa tiyimpi i ngalo: Languta, nzi ta tshova a wura ga Elami, a ntamu wabye wa hombe.

³⁶Nzi ta nehela Elami a mune wa timheho hi ka mune wa matlhelo ya tilo, nzi va hangalasa matlhelweni lawo wontihe; gi nga tava kona tiko legi a vatsutsumi va le Elami va to kala va nga chikeli.

³⁷Nzi ta maha Elami a mbhela ntamu mahlweni ka valala vabye, a mahlweni ka lavo va hlotako wutomi gabye. Nzi ta va nehela khombo, yi nga zanga ya mina, ku wula Jehova. Nzi ta ruma a supado yi va lanzela kala vontlhe vaku bhi.

³⁸Nzi ta yimisa a xitshamu xa mina xa wuhosi le Elami, nzi lovisa a tihosi ni tihosana ta kona, ku wula Jehova.

³⁹Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.