Read tshwa Jeremia 52 Bible Online

Jeremia 52 - tshwa bible

Jeremia 52

¹Zedekia i wa hi ntangeni ya 21 wa malembe laha a nga sangula ku fuma; i lo fuma 11 wa malembe le Jerusalema. A vito ga mamani wakwe i wa hi. Hamutali a nʼwana wa Jeremia wa le Libna. [215]

²I lo maha kubiha mahlweni ka Jehova, a lanzela zontlhe a zimaho za Jehoiakimu.

³Hi kota ya zanga yakwe Jehova i lo hlongola Jerusalema na Juda mahlweni kakwe; zonake Zedekia i lo hluwuka a hosi ya le Babuloni.

⁴Hi lembe ga wuntlhanu ni mune ga kufuma kakwe, hi hweti ya wukhume a siku ga 10, Nebukadrezzare a hosi ya le Babuloni i lota zinwe ni yimpi yakwe yontlhe a ku ta vukela Jerusalema; Va aka makhokhola ma renzelekela muti matlhelo wontihe.

⁵Zinghaho a muti lowo wu lo vimbezelwa kala lembe ga wu 11 ga kufuma ka Zedekia.

⁶Hi hweti ya wumune a siku ga 9, ku wa hi ni ndlala ya hombe lomu mutini, laha kaku a vanhu va tiko va vumala zakuga.

⁷Zonake ku lo bhoxiwa a khurisi ga muti, vontlhe a vavanuna va yimpi va lo tsutsuma, va huma mutini ni wusiku hi ndlela ya nyangwa leyi yi nga xikari ka makhurisi mambiri, leyi yi nga kusuhani ni simu ga hosi; (a maKaldea ma wa renzelekela a muti matlhelweni wontihe.) A vapfowoli va lo famba hi ndlela yi komamako Araba.

⁸Kanilezi a yimpi ya maKaldea yi lo hlongorisa hosi Zedekia, va ya mu kamanyeta le livaleni la Jeriko; a yimpi yakwe yontlhe na yi panzanyekile yi mu siya.

⁹Zonake va lo khoma a hosi va yi yisa ka hosi ya le Babuloni le Ribla, a tikweni ga Hamate, a ya mu lamulela kona.

¹⁰A hosi ya le Babuloni yi lo daya a vana va Zedekia kuwoneni kakwe, a daya kambe ni tihosana ta ka Juda le Ribla.

¹¹I lo xokola a mahlo ya Zedekia, a leletela lezaku va mu boha hi mangenje, a yisiwa le Babuloni, a ya hoxiwa lomu paxweni kala a siku ga kufa kakwe,

¹²Makunu hi hweti ya wuntlhanu a siku ga 10, gi nga hi lembe ga wu 19 ga kufuma ka Nebukadrezzare a hosi ya le Babuloni, Nebuzaradani a nduna ya vanyakasani lava va nga yimeletela a hosi ya le Babuloni, i lo enghena Jerusalema.

¹³I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

¹⁴A yimpi yontlhe ya maKaldea leyi a nduna ya vanyakasani yi nga hi nayo, yi lo khungumula makhurisi wontihe lawa ma nga bhiyele Jerusalema.

¹⁵Zonake Nebuzaradani a nduna ya vanyakasani i lo khomela zisiwana za tiko ni lava va nga sele lomu mutini, ni lava va nga ti nyikela ka hosi ya le Babuloni, ni vameseri lava va nga wa sele, a va yisa wukhumbini.

¹⁶Kanilezi Nebuzaradani a nduna ya vanyakasani i lo siya vanwani va vanhu lava va vumalako va tiko, a kuva vahlayisi va zivina ni varimi.

¹⁷A maKaldea ma lo fayetela a timhanze ta suku leti ti nga hi lomu ndlwini ya Jehova, ni zikhatelo, ni bimbi ga suku,, va teka a suku wa kona va famba nawo le Babuloni.

¹⁸Va teka ni timbita ni mafoxola, ni mikwana ni mikombe, ni tibasia, ni zontlhe a zibya zi mahilweko hi suku lezi va nga tira ha zona kukhozeleni.

¹⁹A nduna ya vanyakasani yi lo teka ni mingelo ya tibani, a timbita, ni timeza ta tikandiya, a mikombe, ni magombe: zontlhe lezi zi nga wa mahilwe hi nzalama ni siliva.

²⁰A timhanze leʼta timbiri, ni bimbi, ni 12 wa tikuzi ta suku leti ti nga hi lahasi ka zikhatelo, lezi hosi Solomoni a nga zi mahela a yindlu ya Jehova, a suku wa kona wa zontlhe lezo a wu na nga pimiwa xikalwini. [216]

²¹A kuleha ka timhanze ku wa hi 18 wa mikono kada yinwe, a ngoti ya 12 wa mikono yi wa zi kota ku ti renzelekela. A kudziva ka tona ku wa hi mune wa titiho kada yinwe, a nzeni ka tona ku wa nga hi na nchumu.

²²Ti wa hi ni tihloko ta suku hehla ka tona, a kutlakuka ka hloko yinwe ku wa hi ntlhanu wa mikono, na yi hi ni wukomelwa ni mapomegranada, zontlhe zi wa mahilwe hi suku. Hi wumbiri ga tona a timhanze ti wa mahile lezo.

²³Ku wa hi ni 96 wa mapomegranada lomu mareveni, a ku patsa a mapomegranada wontihe lomu ka wukomelwa ma wa hi 100.

²⁴A nduna ya vanyakasani yi lo khoma Seraia a mupristi wa hombe, na Zefania a mupristi wa wumbiri, ni vahlayisi vanharu va nyangwa.

²⁵Ni lomu mutini i lo khoma a mutheniwa loye a nga hi nduna ya vanhu va yimpi, ni ntlhanu wa vavanuna ni vambiri ma nga manghanakana ya hosi, lava va nga kumiwa lomu mutini; ni matsalani wa nduna ya yimpi, loyi a ntiro wakwe ku nga hi ku hlomisa a vanhu va tiko, ni 60 wa vavanuna va tiko lava va nga kumilwe xikari ka muti.

²⁶Nebuzaradani a nduna ya vanyakasani i lo va khoma a va yisa ka hosi ya le Babuloni le Ribla.

²⁷A hosi ya le Babuloni yi lo va daya le Ribla lomu tikweni ga Hamate. Zinghaho Juda i lo khonwa tikweni gakwe a yiswa wukhumbini.

²⁸A tsengo wa vanhu lava Nebukadrezzare a nga va khoma a va yisa wukhumbini hi lowu: Hi lembe ga wuntlhanu ni mambiri, 3,023 wa vaJuda;

²⁹hi lembe ga wu 18 ga kufuma ka Nebukadrezzare, i lo khoma 832 wa vanhu va le Jerusalema;

³⁰hi lembe ga 23 ga kufuma ka Nebukadrezzare, Nebuzaradani a nduna ya vanyakasani i lo khoma 745 wa vaJuda, a va yisa wukhumbini: a vanhu vontlhe va wa hi 4,600.

³¹Hi lembe ga 37 ga wukhumbi ga Jehoiakinu a hosi ya ka Juda, hi hweti ya 12, hi siku ga 25 ga hweti. Evil-merodake a hosi ya le Babuloni, i lo mu tsetselela, a mu humesa lomu paxweni.

³²I lo wulawula naye hi tipswalo, a mu nyika xitshamu xo tlakuka ku hunza a tihosi leti a nga hi zinwe nato le Babuloni.

³³I lo mu tlhatlhisa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.

³⁴Lezi a nga wa zi vumala i wa zi nyikiwa hi hosi ya le Babuloni, siku ni siku a nyikiwa xipanze kala siku ga kufa kakwe, a masiku wontihe ya kuhanya kakwe.