Read tshwa Mikosi 3 Bible Online

Mikosi 3 - tshwa bible

Mikosi 3

¹Hi mina loyi nzi wonileko a hlomulo Hi nhonga ya zanga yakwe,

²I nzi fambisile a nzi yisa munyameni, Na ku nga hi kuwonekeleni.

³Kambe ni kambe i nzi hunzulusela canja gakwe A siku gontlhe.

⁴I guhatile a nyama ya mina ni hlonge ya mina, I tshovile marambu ya mina.

⁵I nzi bhiyele, A nzi vimbezela hi hlomulo ni kubayiseka.

⁶I nzi tshamisile lomu matsha nwini ya munyama, Khwatsi hi lava va fileko kaleloko.

⁷I nzi akele libhingo, a nzi zi koti ku huma; I nzi bohile hi mangenje yo binza.

⁸Ina, loku nzi rila nzi lava ku vuniwa, O vala mukombelo wa mina. [8]

⁹I bhiyile a tindlela ta mina hi maribye ma vatlilweko, I gombonyekisile a tindlela ta mina.

¹⁰A ka mina e khwatsi i urso legi gi nzi xiyelelako, I nghala yi fihleleko.

¹¹I nzi hambukisile ndleleni ya mina, a nzi hanzulela; A nzi tsika na nzi hi nzoce.

¹²I kondlile a wura gakwe, A nzi maha a pota ya ligalala.

¹³I mahile a tigalala ta kutsu wakwe Ti enghena lomu tisweni ta mina.

¹⁴Nzi mahile a xihlekiso ka vontlhe va ka hina, Nzi lisimu labye siku gontlhe.

¹⁵I nzi xurisile hi zo bava, A nzi popisa hi manonwe.

¹⁶I tshovile meno ya mina hi maribye, A nzi fenengeta hi khuma.

¹⁷A muhefemulo wa mina u wu tsonile kurula, A litsako a nza ha ti tivi.

¹⁸Nziku: Nzi mbhelelwe hi ntamu wa mina, Ni kutsumba ka mina ka Jehova.

¹⁹Alakanya a hlokiselelo ya mina hi kupepetseka ka mina, A manonwe ni nyongwa.

²⁰A muhefemulo wa mina wa ha zi alakanya, Wo mbhela ntamu nzeni ka mina.

²¹Lezo nza zi alakanya mbilwini ya mina, Hikwalaho nzi na ni kutsumba.

²²Tipswalo ta Jehova lezaku hi nga se lova, Hakuva a wuxinji gakwe a gi mbheli.

²³Gi tlhela gi hi giswa mixo ni mixo, A kutsumbeka ka wena ka hombe.

²⁴Jehova xiavelo xa mina, ku wula muhefemulo wa mina, Hikwalaho nzi ta mu tsumba.

²⁵Jehova i nene ka vona lava va mu langutelako, Ni ka muhefemulo lowu wu mu hlotako.

²⁶Zi sasekile akuva munhu a rinzela hi kurula A kuhanyisa ka Jehova.

²⁷Zi sasekile akuva munhu a rwala Muyoka wakwe wusweni gakwe. [9]

²⁸A tshame yece a rutisa, Hakuva hi yena a mu rwexileko wona.

²⁹Ngha a koramisa nomu wakwe tshurini, Ku nga dzuka kuva koha kutsumba.

³⁰A nyiketele a rama gakwe ka loyi a mu phakatako, A xura hi nzhukano. [10]

³¹Hakuva a Hosi a yi hoxi munhu kala kupinzuka.

³²Hakuva loku a vanga hlomulo, Wa mahela wuxinji hi wunyingi ga wunene gakwe.

³³Hakuva a hi kuranza ka mbilu yakwe lezaku a hlokisa Ni ku zwisa kubayisa a vanana va vanhu.

³⁴A ku tsimbeketa a tiperesu to ntlhe ta tiko,

³⁵Ni ku byeketa a mhaka ya mu nhu a koneka A handle ka nanzu mahlweni ka Loyi a Hunzeleleko Kutlakuka,

³⁶Ni ku kalavela munhu mhakeni yakwe, Xana Hosi a yi zi woni ke?

³⁷Himani a zi kotako ku wula a mhaka yi maheka, Loku Hosi yi nga yi leletangi ke?

³⁸A makatekwa ni makhombo hi wumbiri ga wona A ma rumiwangi hi nomu wa Loyi a nga Hehlahehla ke?

³⁹A munhu loyi a hanyako a nga vilela yini Loku a tsayiswa hi kota ya zionho zakwe ke? [11]

⁴⁰A hi hlolisiseni hi ringa a mahanyela ya hina, Hi wuya hi tlhelela ka Jehova.

⁴¹A hi tlakuseni a timbilu ta hina ni mandla ya hina Ka Nungungulu loyi a nga le tilweni.

⁴²Hi gohile hi ti alisa; Wena a ku hi tsetselelangi.

⁴³U ti fihlele hi zanga, u hi hlongorisa, U dayile, a ku nyenyeletelangi.

⁴⁴U ti khubhunyetile hi refu, Kasi a mukombelo wu nga chikeli ka wena.

⁴⁵U hi mahile akuva chaka ni fenze Xikari ka matiko. [12]

⁴⁶Vontlhe valala va hina Va hi ahlamele milomu yabye.

⁴⁷Hi chikelelwe hi hlenekera ni kuphasiwa, Ni kuhahlulwa ni kulobyiswa.

⁴⁸A mahlo ya mina ma halata micongo ya mati, Hi kota ya kulobyiswa ka nhanyana wa tiko ga mina.

⁴⁹A tihlo ga mina ga halata mihloti, A gi tsiki hambu ku karala,

⁵⁰Kala Jehova a cuwuka lahasi, A zi wona na hi le tilweni.

⁵¹A mahlo ya mina ma nzi xanisa, Hi kota ya vontlhe vanhwana va muti wa mina.

⁵²Lava va nzi vengako a handle ka nanzu, Va nzi hlotile khwatsi nzi xinyanyani.

⁵³Va lava ku tsema wutomi ga mi na lomu nkeleni, Va hoxa maribye hehla ka mina.

⁵⁴A mati ma lo khulungela hloko ya mina, Mina nziku: Nzi file!

⁵⁵Na nzi hi lomu kueteni ka nkele Nzi lo vitana a vito ga wena, Jehova.

⁵⁶U zwile a gezu ga mina, U nga vali ndleve ya wena mahikeni ya mina ni kurileni ka mina.

⁵⁷U lo tshinela a siku nzi nga ku vitana, Uku ka mina: U nga chavi!

⁵⁸Hosi, u yimele a moya wa mina mhakeni ya wona, U tirule a wutomi ga mina.

⁵⁹Jehova, u wonile kuxanisiwa ka mina. Tsema a mhaka ya mina.

⁶⁰U wonile a kutiphotela kabye kontlhe, Ni zikungo zabye zontlhe zo nzi vukela.

⁶¹Jehova, u zwile a nzhukano ya bye, Ni makungo yabye ha mina;

⁶²Ni kuwulawula ka lava va nzi vukelako, Ni maalakanyo yabye ha mina gontlhe siku.

⁶³Languta, a kutshameni kabye ni kuyimeni kabye, Hi mina lisimu labye.

⁶⁴Jehova, u ta va nyika nchachazelo Maringano ni mitiro ya mandla yabye.

⁶⁵Va nyike timbilu to sihalala, A nzhukano ya wena a yive hehla kabye. [13]

⁶⁶U ta va hlongorisa hi zanga ya wena U va lovisa lahasi ka matilo ya Jehova.