Read tshwa Mikosi 5 Bible Online

Mikosi 5 - tshwa bible

Mikosi 5

¹Jehova, alakanya lezi zi bi humeleko, Cuwukisisa a kurukatelwa ka hina.

²A tshomba ya hina yi nyikilwe a vamatiko, A tiyindlu ta hina ti le mandleni ya vahleva. [18]

³Hi mahilwe zisiwana, a hi na vabeleki, A vamamani va hina va fana ni tinoni.

⁴A mati ya hina yonwa hi xavile hi mali, Hi fela ku rihela a tihunyi ta hina.

⁵A vahlongolisi va hina va lava ku hi kamanyeta, Hi karele, kanilezi a hi kumi kuhumula.

⁶Hi khozile ka maGipite Ni ka maAssiria kasi hi kuma zo xura ha zona.

⁷Vadadani va hina va onhile, makunu a va ha hi kona, Hi hina hi rweleko a zigoho zabye. [19]

⁸Hi fumelwa hi tikhumbi, A nga kona a nga hi tlhatlhisako mandleni yabye.

⁹Hi kuma zakuga za hina hi ku nyikela wutomi ga hina Mahlweni ka supado ya lomu xiwuleni.

¹⁰A hlonge ya hina ya hisa khwatsi i nzhimbo, Hi kota ya kuhisa ka ndlala.

¹¹Va pfinyele vavasati le Zioni, Ni vanhwana lomu mitini ya ka Juda.

¹²A tihosana ti hayekilwe hi mawoko ya tona, A tinghohe ta masingalakati a ti chabyiwangi. [20]

¹³A majaha ma rwexilwe a maribye ya zigayo, A vanana va wile lahasi ka tinyanza ta tihunyi.

¹⁴A masingalakati a ma ha tshami tinyangweni, A majaha a ma habi zitende za wona.

¹⁵A kutsaka ka timbilu ta hina ku mbhelile, A kukina ka hina ku hunzukile ku maha xirilo,

¹⁶A zidlodlo za tihloko ta hina zi wile, I khombo ka hina, hakuva hi onhile.

¹⁷A timbilu ta hina ti rerekile hi kota ya lezi, Ni mahlo ya hina ma mahile xilutsu,

¹⁸Hakuva a xitsunga xa Zioni xi hahlukile, A mahlolwa ma fambafamba hehla ka xona.

¹⁹Wena Jehova u te tsonzoma! A xitshamu xa wena xa wuhosi xi sukela ka xizukulwana kala ka xizukulwana.

²⁰Hikuyini u hi rivalako kala ku pinzuka, U hi tsika xikhati xo leha ke?

²¹Hi wuyise ka wena Jehova, kasi hi tlhelela ka wena; Hunzula masiku ya hina mava maswa khwatsi hi kusanguleni.

²²Xana u hi tsikele magumo ke? Wa hi zangarela nguvu ke?