Read tshwa Ezekieli 12 Bible Online

Ezekieli 12 - tshwa bible

Ezekieli 12

¹A gezu ga Jehova gi lota ka mina, giku:

²Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. [26]

³Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

⁴Humesa a zibya za wena ni hlikanhi a kuwoneni kabye, kanilezi wena wutsumbu u suka laha gambyeni na va kari va zi wona, khwatsi hi munhu loyi a yako ginwani tiko.

⁵Bhoxa a ligingisi kuwoneni kabye, u humesa a zibya za wena ha kona.

⁶U ta zi rwala makatleni ya wena ni wusiku na va zi wona; fenengeta a nghohe ya wena kasi u nga woni misava; hakuva nzi ku vekile a kuva xikombiso ka yindlu ya ka Israeli.

⁷Nzi lo maha kota lezi nzi nga leletelwe: nzi humesa a nhunzu ya mina ni hlikanhi, khwatsi hi nhunzu ya ku rura; ni laha gambyeni nzi lo bhoxa a ligingisi hi mandla ya mina, nzi humesa a nhunzu ya mina ni wusiku, nzi yi rwala makatleni ya mina na va kari va zi wona.

⁸Ni mixo a gezu ga Jehova gi lota ka mina, giku:

⁹Nʼwana wa munhu, a yindlu ya ka Israeli, a yindlu ya mihluwukwa, a yi wutisangi ka wena, yiku: Zini u mahako?

¹⁰U ta va byela, uku: Hosi Jehova i ngalo: A xiprofeto lexi xi komba a hosana leʼyi nga le Jerusalema, ni vontlhe va ka yindlu ya ka Israeli va nga xikari ka wona.

¹¹Wula uku: Nzi xikombiso ka nwina. Ku ta mahiwa ka vona khwatsi hilezi nzi mahileko; va ta rura vaya wukhumbini.

¹²A hosana leyi yi nga xikari kabye yi ta rwala a nhunzu ya yona makatleni ni wusiku, yi huma. Va ta bhoxa a ligingisi kasi a huma ha kona ni nzhwalo wakwe; i ta fenengeta a nghohe yakwe kasi a nga woni misava hi mahlo yakwe.

¹³Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. [27]

¹⁴Wontihe a malanza yakwe lawa ma mu vunako, ni wontihe a mabutho yakwe, nzi ta va hangalasa matlhelo wontihe ya misava nzi va hlasela hi supado.

¹⁵Va ta zi tiva lezaku hi mina Jehova laha nzi ta nga va hangalasa xikari ka vamatiko, nzi va hlongola matikweni.

¹⁶Kanilezi nzi ta siya vanwani vabye, va pona supado ni ndlala ni ntungu; kasi va fela ku wulela a manyalataniso yabye xikari ka matiko wontihe lawa va ta ngaya ka wona. Va ta zi tiva lezaku hi mina Jehova.

¹⁷A gezu ga Jehova gi lota ka mina, giku:

¹⁸Nʼwana wa munhu, gana a xibaba xa wena hi kururumela, unwa mati ya wena hi kuchava ni kugwavatana.

¹⁹U byela vanhu va tiko, uku: Xungetano hi vaaki va Jerusalema ni tiko ga ka Israeli, Hosi Jehova i ngalo: Va taga xibaba xabye na va gwavatana, vanwa mati yabye hi ku tsemeka-hlana; hakuva a tiko gi ta phangiwa hi zontlhe zi nga ka gona, hi kota ya kubiha ka vaaki va gona.

²⁰A miti leyi yi nga ni vanhu yi ta hahlulwa, ni tiko gi ta maha xiwula; zonake mu ta zi tiva lezaku hi mina Jehova.

²¹A gezu ga Jehova gi lota ka mina, giku:

²²Nʼwana wa munhu, i vingu ga kuyini legi mu nga nago lomu tikweni ga ka Israeli, gaku: A masiku ma hunza, kasi a ziprofeto a zi tatiseki. [28]

²³Hikwalaho va byele, uku: Hosi Jehova i ngalo: Nzi ta fuvisa a vingu legi, va nga ha ta gi tirisa lomu tikweni ga ka Israeli. Kanilezi va byele uku: A masiku ma tshinele, a ziprofeto zontlhe zi ta tatiseka.

²⁴Hakuva ku nga ha ta kuva kona a xiprofeto xa hava ni kuvumba ka kukanganyisa a ndlwini ya ka Israeli.

²⁵Hakuva mina Jehova nzi ta wulawula, ni gezu ga mina gi ta maheka; gi nga ta hlwela ku humelela; hakuva nzi ta wula a gezu, nzi wuya nzi gi maha a masikwini ya nwina, yindlu yi hluwukileko, ku wula Hosi Jehova.

²⁶A gezu ga Jehova gi lota ka mina kambe, giku:

²⁷Nʼwana wa munhu, a va yindlu ya ka Israeli ve ngalo: A muwoniso lowu a wu wonako wa komba masiku ya le kule, i profeta hi xikhati xa hiko kule.

²⁸Hikwalaho va byele, uku: Hosi Jehova i ngalo: A gi kona ni ginwe ga magezu ya mina gi ta nga hlwela ku maheka, lezi nzi zi wulako zi ta tatiseka, ku wula Hosi Jehova.