Read tshwa Ezekieli 17 Bible Online

Ezekieli 17 - tshwa bible

Ezekieli 17

¹A gezu ga Jehova gi lota ka mina, giku:

²Nʼwana wa munhu, vingula, u wulawula mufananiso ka yindlu ya ka Israeli,

³uku: Hosi Jehova i ngalo: A gama ga hombe ga tipapa ta hombe, a tipapa ti teleko hi tisiva ta mivala ya tixakaxaka, gi tile Lebanoni gi ta tshova a choka ya sedare.

⁴Gi lo khatlula a choka ya ravi go gumesa, gi yi yisa le Kanani, gi ya yi veka mutini wa vamahungani.

⁵Gi tlela gi teka a mbewu ya tiko, gi ya yi byala misaveni yo nona, gi yi byala xikari ka ziphutsu kusuhi ni mati manyingi.

⁶Yi lo kula yi maha a sinya ya vina leyi yi navako, a tsinya ga yona gi wa komile, a maravi ya yona ma wa goveka ma cuwukana na gama, a mitsu na yi hi lahasi ka gona. Zinghaho yi lo maha vina, yi chela tiravi yi pfepfa.

⁷Ku wa hi ni ginwani gama ga hombe, ga tipapa ta hombe ti teleko hi tisiva. Languta a timitsu ta vina lowo ti wa khotsekile ti cuwuka ka gona, wu chela a tiravi ti ngomama na gona hi le ka simu legi wu byalilweko ka gona, kasi ga fela ku wu cheletele mati.

⁸Wu wa byalilwe saveni go nona kusuhani ni mati, kasi wa chela tiravi wu pswala mihanzu, wuva vina wu nene.

⁹Wula uku: Hosi Jehova i ngalo: Wu ta kula ke? A gama go ranga gi nga ta wu tsuwula, gi phophela a mihanzu ya wona kasi wa wuna ke? Wontihe mahluke ya wona ma ta wuna; ku nga ta laveka a ntamu wa hombe hambu a vanhu vanyingi vo wu tsuwula.

¹⁰Kunene, wu byalilwe, kanilezi wu ta kula ke? Wu nga ta womela magumo laha a moya wa Mutsuwuka-gambo wu ta nga pupuxa ke? Wu ta womela kwalaho wu nga milela kona.

¹¹A gezu ga Jehova gi lota ka mina, giku:

¹²Wulawula ka yindlu ya mihluwukwa, uku: A mu zi tivi lezaku zi wula yini lezi zilo ke? Va byele, uku: Langutani, a hosi ya Babuloni yi tile Jerusalema, yi ta teka a hosi ni tihosana ta kona, yi famba nato le Babuloni.

¹³Yi lo teka nʼwana munwe wa yindlu ya hosi, yi maha naye a xivumelwano, yi mu fungisa, zonake a teka a vahombe va tiko, [47]

¹⁴kasi mufumo wa tsongahatiwa, wu nga ti kulisi, kanilezi wu yima hi ku hlayisa xivumelwano xa yona.

¹⁵Kanilezi i yi hluwukile hi ku rumela a mitsukano le Gipite, kasi va fela ku mu nyika mahaxi ni yimpi ya hombe. I ta kula ke? A nga pona loyi a mahako a zakunghaho ke? A nga tshova a xivumelwano a wuya a pona ke?

¹⁶Nza hlambanya hi kuhanya ka mina, ku wula Hosi Jehova, futsi i ta fela Babuloni, laha ku tshamako a hosi leyi yi nga mu nyika wuhosi, leyi a nga kanyisa a xifungo xa yona, a tshova a xivumelwano xa yona.

¹⁷Na Faro a nga ta mu lwela hi yimpi yakwe ya hombe ni vanhu vo tala, laha va ta nga aka tinhulu ni makhokhola, kasi ku hihirita vanhu vanyingi.

¹⁸Hakuva i kanyisile a xifungo xakwe hi ku tshova a xivumelwano; i mahile zontlhe lezi zilo hambu lezi a nga hlambanyile hi canja gakwe; a nga ta pona.

¹⁹Hikwalaho Hosi Jehova i ngalo: Nza hlambanya hi kuhanya ka mina, i kanyisile a xifungo xa mina, a tshova xivumelwano xa mina, futsi nzi ta zi tlhelisela hlokweni yakwe.

²⁰Nzi ta andlala likoka la mina hehla kakwe, i ta phasiwa hi ziyo ga mina, nzi ta mu yisa Babuloni, nzi ya mu lamula hilezi a nga kala ku tsumbeka ka mina.

²¹Vontlhe lava va ta nga pfowola ka mabutho yakwe wontihe va ta dawa hi supado, ni lava va ta nga sala va ta hangalaswa matlhelo wontihe; zonake mu ta zi tiva lezaku mina Jehova nzi zi wulile.

²²Hosi Jehova i ngalo: Mina nzi ta teka a choka ya maravi yo gumesela ya sedare, nzi yi veka; nzi ta khatlula a hluke ginwe go olova nzi gi byala le hehla ka xitsunga xo tlakuka.

²³Nzi ta gi byala xitsungeni leʼxo tlakuka xa ka Israeli. Gi ta chela tiravi gi pswala mihanzu, give sedare yi nene. Lahasi ka maravi ya yona ku ta aka a tixaka tontlhe ta tinyanyani, ti tshama nzhutini wa maravi ya yona. [48]

²⁴Zonake a tisinya tontlhe ta khwati ti ta zi tiva lezaku mina Jehova nzi tsongahatile a sinya yo tlakuka, nzi tlakusa a sinya ya yitsongwani, nzi womisa a sinya yo nyuka, nzi hlukisa a sinya yi womileko. Mina Jehova nzi zi wulile, nzi tlhela nzi zi maha.