Read tshwa Ezekieli 27 Bible Online

Ezekieli 27 - tshwa bible

Ezekieli 27

¹A gezu ga Jehova gi lota ka mina kambe, giku:

²Wena nʼwana wa munhu, bana nkosi u bela Tire, uku kakwe: [85]

³Wena loyi u akileko laha tinyangweni ta bimbi, loyi u nga mahungani xikari ka vanhu va zihlale zinyingi, Hosi Jehova i ngalo: Wena Tire u te ngalo: Nzi mbhelele hi wumbhuri.

⁴A mimbhingano ya wena yi lomu xikari ka bimbi, a vaaki va wena va mbhelelisile a wumbhuri ga wena.

⁵Va mahile a tibakwa ta wena fii misululwani ya le Senira; va tekile a sedare ya le Lebanoni va maha ha yona a mulingwati wa wena.

⁶Va mahile a makasiya ya wena hi mikuhlu ya le Baxani, a zitshamu za wena zi mahilwe hi timhonzo ta tindlovu ti nameketilweko hi sinya ya le zihlaleni za Kittimu.

⁷A nguwo ya wukene yi komelweko ya le Gipite yi wa hi tangi ga wena, kasi kuva nghapa ya wena; ni tenda ga wena gi wa hi nguwo ya mavalavala ya wukuxe ni kuzirila ya le zihlaleni za Elixa.

⁸A vaaki va le Sidoni ni va le Arvade va wa hi vabonzi va wena va makasiya; a titlhari ta wena Tire, leti ti nga hi xikari ka wena, hi tona ti nga hi vamarinyero va wena. [86]

⁹A masingalakati ya le Gebali ni titlhari ta kona ya wa hi valemi va tifa ta wena. Wontihe a mataru ya bimbi ni vamarinyero ya wona va wata ka wena a ku ta xava a wukwewu ga wena.

¹⁰A va le Persia ni Lude ni Pute va wa hi xikari ka masochwa ya wena. Va wa hayeka a zitlhangu ni tingenge lomo ka wena; hi vona ya nga ku bombisa. [87]

¹¹A vanhu va le Arvade zinwe ni yimpi ya wena va wa lavelela hehla ka tigingisi ta wena, ni tinhenha ti wa hi lomu makhokholeni ya wena. Va wa hayeka a zitlhangu zabye lomu makhurisini; hi vona va nga mbhelelisa a wumbhuri ga wena.

¹²Tarxixi i wa maha wukwewu ka wena hi kota ya wunyingi ga zilo za wena: va wa xava a zibya za wena hi siliva ni xiketse ni lata ni tsovu.

¹³Javani na Tubale na Mexeke va wa xuja ka wena, va xava wukwewu ga wena hi tikhumbi ni suku. [88]

¹⁴A va yindlu ya ka Togarma va wa xava wukwewu ga wena hi mahaxi ya tikareta ni mahaxi ya yimpi ni mamula.

¹⁵A vana va Dedani va wa xuja ka wena; a zihlale zinyingi zi wa hi mabazari a mandleni ya wena. Va wa ku xavela hi timhonzo ta tindlovu ni ebano.

¹⁶Siria i wa maha wukwewu ka wena hi kota ya wunyingi ga mitiro ya wena; va wa xava zibya za wena hi maribye ya lisima, ni tinguwo to zirila, ni ta wukomelwa, ni ta wukene, ni korali ni rubisi.

¹⁷Juda ni tiko ga Israeli va wa xuja ka wena; va wa xava zibya za wena hi tirigo ga le Miniti, ni Pannagi, ni wulombe, ni mafura, ni balsamu.

¹⁸Damasku i wa maha wukwewu ka wena hi kota ya wunyingi ga mitiro ya wena ni tixakaxaka ta zibya; i wa xava hi vinya ga le Helboni ni woya ge basa.

¹⁹Vedani na Javani va wa xava a zibya za wena hi xiketse xa va hyunzu, ni kassia, ni tihlanga leʼto nuhela.

²⁰Dedani i wa xuja ka wena hi tinguwo to khilela mahaxi ha tona.

²¹Arabia ni tihosana tontlhe ta le Kedare va wa hi canjeni ga wena, va xavisa tiyivana, ni tihamba, ni timhuti. [89]

²²A vamahungani va le Xeba ni le Raama va lo xuja ka wena, va xava zibya za wena hi mipepo yo nuhela khwatsi, ni maribye ya lisima, ni nzalama.

²³Harani na Kane na Edeni ni vamahungani va le Xeba, Axura na Kilmade va wa xuja ka wena.

²⁴Vona va lo maha wukwewu ka wena, va xavisa tinguwo ti nene nguvu, ta wukuxe ni ta wukomelwa, ni tinghaxa ta tinguwo ta lisima, leti ti bohilweko hi tingoti, na ti mahiwa hi tisedare.

²⁵A mataru ya le Tarxixi ma wa fambisa a wukwewu ga wena; U la tala hi titshomba, u dzunzeka nguvu xikari ka bimbi.

²⁶A vabonzi va wena va makasiya va ku yisile lomu matini ya hombe, A mheho ya Mutsuwuka-gambo yi ku tshovile lomu xikari ka mabimbi.

²⁷A kufuma ka wena ni wukwewu ga wena, Ni vamarinyero va wena, ni vafambisi va mataru ya wena, A valemi va wena va tifa ni vaxavisi va wena. A mabutho wontihe ma nga ka wena, Ni vanhu vontlhe va nga ka wena, Zontlhe zi ta wela bimbini a sikwini ga kuhahlulwa ka wena.

²⁸A fungu wa bimbi wu tsekatseka hi guwa ga vamarinyero va wena.

²⁹Vontlhe a vabonzi va makasiya, ni vamarinyero, ni vafambisi va mataru, Va ta chika lomu matarwini yabye va ta yima muhanzeni,

³⁰Va ta kanyuluka hi kota ya wena, va rila hi ku tsikwila, Va ta ti chela ntshuri, va puluwunza lomu khumeni.

³¹Va ta ti halula tihloko hi kota ya wena, Va ambala tinguwo ta xirilo; Va ku rilela hi kubayiseka, va maha hlomulo wa hombe.

³²A kurileni kabye va ta ku bela nkosi, vaku; Hi wihi muti wu fananako na Tire, loyi a lovisilweko lomu bimbini?

³³U xurisile a vanhu vo tala hi wukwewu ga wena gi nga bimbini, U fumisile a tihosi ta misava hi wunyingi ta titshomba ta wena ni wukwewu ga wena.

³⁴Laha u nga tshobyiwa hi ma byandlati a matini yo eta, A wukwewu ga wena ni vanhu va wena zi lo rika zinwe na wena.

³⁵Vontlhe a vaaki va lomu zihlaleni va rewukiswa ha wena, A tihosi tabye ti rurumela nguvu, a tinghohe ta tona ti kombisa kuchava.

³⁶A vamahungani va matiko va ku hlekula, Wa tshisa, u nga ta ha kuva nchumu kambe.