Read tshwa Ezekieli 32 Bible Online

Ezekieli 32 - tshwa bible

Ezekieli 32

¹Hi lembe ga wukhume ni mambiri, hi hweti ga wukhume ni timbiri, hi siku go sangula ga hweti, a gezu ga Jehova gi lota ka mina, giku:

²Nʼwana wa munhu, bana nkosi, u bela Faro a hosi ya le Gipite, uku kakwe: Wena u fanana ni role ga nghala ya matiko, Na kasi u wa fanana ni drako ga lomu bimbini, U hlambela micongweni ya wena, U vindlusa a mati hi milenge ya wena, U nyenyezisa a micongo ya wona.

³Hosi Jehova i ngalo: Nzi ta andlala a likoka la mina hehla ka wena Hi xidlemo xa matiko manyingi; Va ta ku humesa matini hi likoka la mina.

⁴Nzi ta ku tsika le muhanzeni, nzi ku hoxa mafusini, Nzi maha tinyanyani tontlhe, ta tilo ti khapama hehla ka wena, Nzi xurisa zontlhe a zihari za misava ha wena.

⁵Nzi ta hoxa a nyama ya wena hehla ka zitsunga, Nzi tata a minzhelelo hi fufanyi ya kona.

⁶Nzi ta tsakamisa a tiko legi u hlambelako ka gona Hi nkhata wa wena kala le zitsungeni; Ni micongwana yi ta tala ha wena.

⁷Laha nzi ta nga ku tima nzi ta phumisa tilo, Nzi pfhupelisa a tinyeleti ta gona; Nzi ta fenengeta a gambo hi refu, A nweti wu nga ta woninga. [95]

⁸Zontlhe a ziwoningo za tilo nzi ta zi pfhupelisa hi kota ya wena, Nzi vanga munyama hehla ka tiko ga wena, Ku wula Hosi Jehova.

⁹Nzi ta hlokisa a timbilu ta vanhu votala, Loku nzi bika hi kulobyiswa ka wena xikari ka matiko, Ni kona matikweni lawa u nga ma tiviko.

¹⁰Ina, nzi ta maha vanhu vanyingi va hlamaliswa ha wena, Ni tihosi tabye ti ta rurumela hi kota ya wena, Laha nzi ta nga tlakusa a supado ya mina mahlweni kabye. Va ta rurumela xontlhe xikhati, Munwe ni munwani a rurumelela a wutomi gakwe hi siku ga kuwa ka wena.

¹¹Hakuva Hosi Jehova i ngalo: A supado ya hosi ya le Babuloni yi tata hehla ka wena.

¹²Nzi ta wisa a xidlemo xa wena hi tisupado ta tinhenha, Lava va chavisako xikari ka matiko. Va ta fuvisa a wukosi ga Gipite, A xidlemo xontlhe xa gona xi ta lobyiswa.

¹³Kambe nzi ta lovisa zontlhe zifuyo za gona, Lezi zi nga kusuhani ni mati ya hombe; Ma nga ta ha vindlusiwa hi nkonzo wa munhu, Ge hambu hi makhanzo ya zifuyo.

¹⁴Zonake nzi ta tengisa a mati ya bye, Nzi maha a micongo yabye yi khulungisa ku khwatsi mafura, Ku wula Hosi Jehova.

¹⁵Laha a Gipite nzi ta nga gi maha marumbi ni xiwula, Nzi lovisa wontihe a pfuno wa gona, Laha nzi ta nga hlasela vontlhe a vaaki va gona, Zonake va ta zi tiva lezaku hi mina Jehova.

¹⁶Lowu hi wona a nkosi va ta nga wuba, a vanhwana va matiko va ta bela ha gona; va rilela a tiko ga Gipite ni xontlhe a xidlemo xa gona, ku wula Hosi Jehova.

¹⁷Hi lembe ga wukhume ni mambiri, hi siku ga 15 ga hweti, a gezu ga Jehova gi lota ka mina, giku:

¹⁸Nʼwana wa munhu, rilela a xidlemo xa maGipite, u xi hoxa, yena ni vanhwana va matiko laʼya ntamu lahasi ka misava zinwe ni lava va relelako nkeleni.

¹⁹U tlula mani hi wumbhuri? Relela lehasi u ya etlela zinwe ni makhuna.

²⁰Va ta wela xikari ka lava va delweko hi supado. A supado yi longile; ruruvisani mu susa Gipite ni zidlemo zontlhe za gona.

²¹A tinhenha ta ntamu ti ta wulawula ka Faro zinwe ni lava va mu vunako, na va hi le Xeole, tiku: Va tile lomu hasi, va etlele vaku sudu, ma hi makhuna ma tlhabyilweko hi supado.

²²Axura i lomo ni xidlemo xakwe xontlhe, a matsiza yabye ma mu ranzele; vontlhe va file, va delwe hi supado.

²³A matsiza yabye ma kona lehasi kueteni ka nkele, a xidlemo xakwe xi ranzele a tsiza gakwe. Vontlhe va file, va delwe hi supado, va nga vona va dzukisileko a tiko ga vahanyako.

²⁴Elami i konawu ni xidlemo xontlhe xakwe, va ranzeleko a tsiza gakwe. Vontlhe va file, va delwe hi supado, lava va releleko nkeleni va hi makhuna vaya lehasi kueteni ka misava, va nga vona va dzukisileko a tiko ga vahanyako, makunu va rwala a tingana tabye zinwe hi lava va relelako nkeleni.

²⁵Va mu andlalele mubbedi xikari ka lava va delweko zinwe ni xidlemo xakwe xontlhe, a matsiza yabye ma mu ranzele; vontlhe makhuna va delweko hi supado; hakuva va chabyilwe a tikweni ga vahanyako, makunu va rwala a tingana tabye zinwe ni lava va relelako nkeleni. Ina, i kumile wutshamu xikari ka lava va delweko.

²⁶Ku na na Mexeke na Tubale ni zontlhe zidlemo zakwe; a matsiza yabye ma mu ranzele. Vontlhe makhuna va delweko hi supado, hakuva va chabyilwe tikweni ga vahanyako.

²⁷Kanilezi a makhuna lawa ma delweko ma nga ta etlela zinwe ni tinhenha, leti ti releleko Xeole ni matlhari yabye ya yimpi, a tisupado tabye na ti maha a zikhigelo za tihloko tabye. A zigoho zabye zi le hehla ka marambu yabye, hakuva ku wa hi vona vadzukisi va tinhenha a tikweni ga vahanyako.

²⁸Na wena Faro u ta tshobyiwa xikari ka makhuna, u etlela zinwe ni lava va delweko hi supado.

²⁹Ku na na Edome, a tihosi takwe ni tontlhe a tihosana takwe, leti ti etleleko ni lava va delweko hi supado hambu lezi ti nga hi ni ntamu. Ti ta etlela ni makhuna zinwe ni lava va relelako nkeleni.

³⁰Ku na ni tontlhe tihosana ta Nwalungu, ni maSidoni wontihe lava va releleko ka vafileko; va na ni tingana hi kota ya chaviselelo lowu va wu mahileko hi ntamu wabye; va etlele ni lava va delweko hi supado na va hi makhuna, va rwala a tingana tabye zinwe ni lava va relelako nkeleni.

³¹Faro i ta va wona, a chavelelwa hi kota ya xidlemo xakwe xontlhe. Yena Faro ni yimpi yakwe yontlhe yi delweko hi supado, ku wula Hosi Jehova.

³²Hakuva nzi vekile a kuchavisa kakwe a tikweni ga vahanyako, hambu zi hi tano yena Faro ni xidlemo xakwe xontlhe va ta vekiwa xikari ka makhuna, zinwe ni lava va delweko hi supado, ku wula Hosi Jehova.