Read tshwa Ezekieli 34 Bible Online

Ezekieli 34 - tshwa bible

Ezekieli 34

¹A gezu ga Jehova gi lota ka mina, giku:

²Nʼwana wa munhu, profetela a varisi va ka Israeli, uku: Hosi Jehova i ngalo: Yowe, a varisi va ka Israeli, lava va gisako wutsumbu gabye! kasi a varisi a va faneli ku gisa a tiyivu ke?

³Nwina mu gile a mafura, mu ambele a tinguwo ta woya, mu tlhavile lezi zi nonileko, kanilezi a mu gisangi a tiyivu.

⁴Leti to rereka a mu ti tiyisetangi, ge hambu a ku chuma leyi yi nga babya, kutani ku bohelela leyi yi tshobyilweko, ni ku wuyisa leyi yi nga wa pengisilwe, hambu ku lava leyi yi nga wa lahlekile; kanilezi mu lo ti fumela hi kutsimbeketa ni tihanyi.

⁵Ti lo hangalaka hakuva ku wa nga hi na murisi; ti lo giwa hi zivanza za khwati, ti hangalaka. [99]

⁶A tiyivu ta mina ti pepetseka lomu zitsungeni zontlhe ni lomu migangeni yontlhe. Ina, a tiyivu ta mina ti lo hangalaka misaveni yontlhe; a ku na munhu a ti lavako.

⁷Hikwalaho nwina varisi, zwanani a gezu ga Jehova!

⁸Nza hlambanya hi kuhanya ka mina, ku wula Hosi Jehova, hizinene khwatsi hilezi a tiyivu ta mina ti mahileko mipfimba, ti giwa hi zihari zontlhe za khwati hi kota yo vuniala murisi; ni varisi va mina va tsika tiyivu ta mina va nga ti lavi, kanilezi va gisa wutsumbu gabye a wutshanwini go gisa tiyivu ta mina;

⁹hikwalaho nwina varisi, zwanani a gezu ga Jehova!

¹⁰Hosi Jehova i ngalo: Nzi yimekelene ni varisi; nzi ta lava a tiyivu ta mina mandleni yabye, nzi va tsikisa ku gisa tiyivu. Hambu vona varisi va nga ta ha gisa wutsumbu gabye kambe; nzi ta tlhatlhisa a tiyivu ta mina milonwini yabye, kasi ti nga ha giwi hi vona.

¹¹Hakuva Hosi Jehova i ngalo: Mina wutsumbu nzi ta lava tiyivu ta mina, nzi ti hlotisisa.

¹²Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, [100]

¹³Nzi ta ti humesa xikari ka vanhu, nzi ti tsombanyisa hi le matikweni, nzi ti yisa tikweni ga tona wutsumbu. Nzi ta ti risa lomu zitsungeni za ka Israeli kusuhani ni micongo, a matshanwini wontihe ma akilweko ya tiko.

¹⁴Nzi ta ti gisa wuriselweni gi nene, a ranga gabye gi tava lomu zitsungeni zi tlakukileko za ka Israeli. Lomu ti ta etlela rangeni gi nene, tiga lomu wuriselweni gi nonileko le hehla ka zitsunga za ka Israeli.

¹⁵Mina wutsumbu nzi ta risa tiyivu ta mina, nzi ti etlelisa lahasi, ku wula Hosi Jehova.

¹⁶Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

¹⁷Loku ku hi nwina, ntlhambi wanga, Hosi Jehova i ngalo: Nzi ta lamula xikari ka tiyivu ni tiyivu, ni xikari ka tihamba ni timhongo. [101]

¹⁸Xilo xi tsongwani ka nwina a kuga wuriselweni gi nene, mu tlhela mu kanzihela hi mikonzo ya nwina a misalela ya wuriselo ga nwina ke? Ni kunwa a mati ma tengileko, mu tlhela mu vindlusa a misalela hi mikonzo ya nwina ke?

¹⁹Xana a tiyivu ta mina ti taga lezi mu zi kanziheleko hi mikonzo ya nwina, tinwa a mati lawa mu ma vindlusileko hi mikonzo ya nwina ke?

²⁰Hikwalaho Hosi Jehova i ngalo kabye: Langutani, mina nzi ta lamula xikari ka tiyivu ti nonileko ni ti wonzileko.

²¹Lezi mu susumetako hi reve ni katla, mu tlhava leʼto babya hi timhonzo ta nwina, kala mu ti hangalasa tontlhe lahandle,

²²hikwalaho nzi ta ponisa a ntlhambi wa mina, ti nga ta ha maha mipfimba; nzi ta lamula xikari ka tiyivu ni tiyivu.

²³Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. [102]

²⁴Mina Jehova nzi tava Nungungulu wa tona, a nanza ga mina Davida i tava hosi xikari ka tona, ku wulile mina Jehova.

²⁵Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

²⁶Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. [103]

²⁷A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

²⁸Va nga ta ha maha a pfimba wa vamatiko, hambu ku giwa hi zivanza za misava; va ta tshama hi kurula, a nga kona a to va dzukisa.

²⁹Nzi ta va longisela a masimu ma nonileko, kasi va nga ha hangalaswi hi ndlala lomu tikweni gabye, hambu ku tseketselwa hi vamatiko.

³⁰Zonake va ta zi tiva lezaku mina Jehova, a Nungungulu wabye, nzi na vona, ni lezaku vona va yindlu ya ka Israeli mbanhu va mina, ku wula Hosi Jehova.

³¹Nwina tiyivu tanga, a ntlhambi nzi wu risako, mu vanhu; mina nzi Nungungulu wa nwina, ku wula Hosi Jehova.