Read tshwa Ezekieli 5 Bible Online

Ezekieli 5 - tshwa bible

Ezekieli 5

¹Wena nʼwana wa munhu, teka a supado yo kariha ku fanana ni likari la muhaluli, u halula a hloko ya wena ni xilevu xa wena; zonake teka a xikalu xo pima ha xona, u avanyisa a misisi.

²U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.

³U ta teka misisi yi tsongwani u yi bohela lomu ngubyeni ya wena.

⁴U ta tlhela u pambula xipanze xa yona misisi leyo, u xi hoxa nzilweni xiswa; hi lomu ku ta huma nzilo lowu wu ta nga hisa a yindlu yontlhe ya ka Israeli.

⁵Hosi Jehova i ngalo: Hi loyi Jerusalema! nzi mu vekile xikari ka mifumo, a matiko ma mu ranzele.

⁶I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

⁷Hikwalaho Hosi Jehova i ngalo: Lezi nwina mu hluwukileko ku hunza a matiko lawa ma mu ranzeleko, mu nga fambi hi milayo ya mina, hambu ku hlayisa a zileletelo za mina, kambe a mu gongangi a zileletelo za matiko lawa ma mu ranzeleko; [7]

⁸hikwalaho Hosi Jehova i ngalo: Nza ku holovela; nzi ta ku tsayisa a kuwoneni ka matiko.

⁹Nzi ta maha ka wena lezi nzi kalako nzi nga se ku zi maha, ni lezi nzi to kala nzi nga ha zi mahi kambe, hi kota ya wontihe a manyalataniso ya wena.

¹⁰Hikwalaho a vapswali va taga a vana vabye xikari ka nwina, ni vana va taga vapswali vabye. Nzi ta ku lamula, nzi hangalasa matlhelo wontihe lava va seleko ka wena. [8]

¹¹Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.

¹²A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

¹³A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.

¹⁴Tlhatakumbiri nzi ta ku maha xiwula ni xiruko xikari ka matiko lawa ma ku ranzeleko a kuwoneni ka vontlhe vahunzi.

¹⁵U tava a xiruko ni kutseketsela, a xiwonelo ni xihlamaliso ka matiko lawa ma ku ranzeleko; laha nzi ta nga ku lamula hi zanga ni khulo, nzi ku kawuka hi xiviti. Nzi mina Jehova nzi wulako lezo.

¹⁶Laha nzi ta nga rumela a tigalala to biha ta ndlala leʼti lovisako, leti nzi ta nga ti rumela ku ya mu lovisa, nzi ta tshingisa a ndlala xikari ka nwina, nzi susa a kuga ka nwina.

¹⁷Nzi ta mu rumela a ndlala ni zivanza zo biha, lezi zi ta nga daya vana va nwina; a ntungu ni nkhata zi ta hunza xikari ka nwina, nzi rumela supado hehla ka wena. Hi mina Jehova nzi wulako lezo. [9]