Read tshwa Ezekieli 7 Bible Online

Ezekieli 7 - tshwa bible

Ezekieli 7

¹A gezu ga Jehova gi lota ka mina, giku:

²Wena nʼwana wa munhu, Hosi Jehova i ngalo ka tiko ga ka Israeli: Hi wona magumo! A kugumelwa ku chikele a matlhelweni ya mune ya tiko.

³Makunu a kugumelwa ka wena ku chikele, nzi ta rumela a zanga ya mina hehla ka wena, nzi ta ku lamula kukotisa mahanyela ya wena; nzi ku tlhelisela wontihe a manyalataniso ya wena.

⁴A mahlo ya mina ma nga ta ku nyenyeletela, nzi nga ta ku zwela wusiwana, hakuva nzi ta ku tlhelisela kukotisa mahanyela ya wena, ni manyalataniso ya wena ma tava xikari ka wena, mu ta zi tiva lezaku nzi mina Jehova.

⁵Hosi Jehova i ngalo: Khombo! A khombo go tshisa gata!

⁶A kugumelwa ku chikele, a kugumelwa ku chikele; ku tela wena, languta, ka hata.

⁷A khombo gi ku chikelele, wena muaki wa tiko. A xikhati xi chikele, a siku gi tshinele; na gi nga hi ga ku tlhava zizimba lomu zitsungeni, kanilezi ga zolonga.

⁸Lokuloku nzi ta chulula a khulo ga mina hehla ka wena, nzi ta tatisa a zanga ya mina ha wena. Nzi ta ku lamula kukotisa a mahanyela ya wena, nzi ku tlhelisela wontihe a manyalataniso ya wena.

⁹A mahlo ya mina ma nga ta ku nyenyeletela, nzi nga ta ku zwela wusiwana. Nzi ku tlhelisela kukotisa mahanyela ya wena, ni manyalataniso ya wena ma tava xikari ka wena; mu ta zi tiva lezaku mina Jehova nzaba,

¹⁰Languta a siku, languta gata. A khombo ga wena gata; a liravi li pfepfile, a matshanza ma balekile. [12]

¹¹A tihanyi ti hunzukile tiva nhonga yo tsayisa leʼzo biha. Ku nga ta sala ni munwe wa vona, ge hambu a wunyingi gabye, hambu ni kufuma kabye, a nga kona wo va rilela.

¹²A xikhati xi chikele, a siku ga tshinela. Loyi a xavako a nga tsaki, ni loyi a xavisako a nga tsanwi; hakuva a zanga yi hehla ka xidlemo xontlhe xa kona.

¹³Hakuva a muxavisi a nga ta tlhela ka lexi a xavisileko, hambu loku va ha hanya. Hakuva a xiprofeto xi henya xontlhe a xidlemo xi nga lomo, a xi kona xi to kala xi nga maheki; a nga kona ni munhu munwe a ta nga ti tiyisa hi kugoha ka kuhanya kakwe.

¹⁴Va bile mpunzu, va longisile zontlhe, kanilezi a nga kona a yako yimpini; hakuva a zanga ya mina yi hehla ka xidlemo xabye xontlhe.

¹⁵Lehandle ku na ni supado, lomu mutini ku na ni ntungu ni ndlala. Loyi a nga le masinwini i ta dawa hi supado, loyi a nga lomu mutini i ta lova hi ndlala ni ntungu.

¹⁶Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

¹⁷A mandla wontihe ma ta rereka, ni madzolo wontihe ma ta khuvatana.

¹⁸Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

¹⁹Va ta hoxa a siliva yabye lomo maphangweni, ni nzalama yabye Va ta yi wona kota xilo xi nyenyezileko. A siliva ni nzalama yabye cima zi nga ta va tlhatlhisa a sikwini ga zanga ya Jehova. Zi nga ta va tangalisa, hambu ku xurisa marambu yabye; hakuva hi zona zi nga va khunguvanyisa vawa kubiheni. [13]

²⁰Va wa ti kulisa hi kota ya wumbhuri ga siliva yabye ni nzalama; kanilezi va mahile hi zona a zifananiso za manyalataniso yabye ni zilo zo tshisa. Hikwalaho nzi zi mahile a zilo zo nyenyeza ka yona.

²¹Nzi ta zi nyikela mandleni ya vamatiko akuva muphango, a vakubiha va misava va ta zi wutla, va zi hanahanisa.

²²Nzi ta va fularela, zonake va ta nyenyezisa a wutshamu ga mina gi basileko; a makhamba ma ta enghena ma gi nyenyezisa.

²³Mahani tiketani, hakuva a tiko gi tele hi milanzu ya nkhata, a muti wu tele hi tihanyi.

²⁴Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

²⁵A lobyiselelo wa hata, va ta hlota kurula, va nga ku kumi.

²⁶A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. [14]

²⁷A hosi yi ta tlhava nkosi, a hosana yi chava nguvu, ni mandla ya vanhu va tiko ma ta rurumela. Nzi ta va tlhelisela kukotisa mahanyela yabye, nzi va lamula maringano ni kubiha kabye; vona va ta zi tiva lezaku nzi mina Jehova.