Read tshwa Hosea 3 Bible Online

Hosea 3 - tshwa bible

Hosea 3

¹Zonake Jehova aku ka mina: Engeta u famba u ya ranzana ni wasati a nga ni xigangu, loyi a nga xibhayi; a ku khwatsi hilezi Jehova a ranzisako zona a vanana va ka Israeli, hambu loku vona va hunzulukela vanwani vanungungulu, va ranza zikhekhetselo za tisote.

²Nzi lo mu xava hi 15 wa zipanze za siliva, ni homeri ginwe ga sevada ni khihlanya ga homeri ga sevada.

³Nziku ka yena: U ta tshama u nzi rinzela masiku yo tala; u nga mahi wuoswi, u nga tlhangani ni munwani wanuna; minawu nzi ta maha lezo ka wena.

⁴Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

⁵Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. [9]