Read tshwa Hosea 8 Bible Online

Hosea 8 - tshwa bible

Hosea 8

¹Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. [21]

²Va ta rila ka mina, vaku: Nungungulu wa hina, hina vaIsraeli ha ku tiva!

³Israeli i hoxile lezi zi sasekileko; a valala va ta mu hlongolisa.

⁴Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.

⁵A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

⁶Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

⁷Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. [22]

⁸Israeli i mitilwe. Makunu va lomu xikari ka matiko va fanana ni xibya xi nga ranziwiko.

⁹Hakuva va yile Assiria ku fanana ni mangwa yi nga yoce. Efraime i ti kumele ziranzwa hi zinyikiwo.

¹⁰Hambu loku va rumela a zinyikiwo ka manwani matiko, makunu nzi ta va tsombanyisa; va sangula ku mbheteka hi ku tikelwa hi nzhwalo wa hosi ya tihosana.

¹¹Efraime i anzisile a maalati ma vangako kuonha, a maalati ya kona ma mu kucetele kuonheni.

¹²Hambu loku nzi mu tsalele mazana-zana ya milayo ya mina, yi hlayiwa aku zilo zi nga tibyiwiko.

¹³Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. [23]

¹⁴Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.