Read tshwa Jona 2 Bible Online

Jona 2 - tshwa bible

Jona 2

¹Jehova i lo rumela a hlavi ya hombe yi ta mita Jona; na Jona i lo tshama rumbyini ga hlavi leyo masiku manharu ni wusiku ginharu. [3]

²Zonake Jona i lo khongela ka Jehova, a Nungungulu wakwe, na hi rumbyini ga hlavi, aku: Hi kota ya hlokiselelo wa mina nzi lo vitana Jehova, A nzi hlamula; Nzi lo rila na nzi hi nzeni ka Xeole, Wena u lozwa a gezu ga mina.

³Hakuva u lo nzi hoxa matini ya kueta, le hasi ka bimbi, A ntalo wa mati wu lo nzi ranzela xikari; A mabyandlati ya wena wontlhe ma lo hunza hi le hehla ka mina.

⁴Mina nziku: Nzi hlongolwe mahlweni ka wena, Kanilezi nzi ta tlhela nzi cuwuka tempeleni ya wena yo basa.

⁵A mati ma nzi ranzele xikari, ma chikela ni lomu muhefemulweni wa mina, Nzi khonʼwa lomu kueteni; Ni byanyi ga lomu bimbini gi pomele a hloko ya mina.

⁶Nzi wa relele nziya tshakweni ga zitsunga, A misava yi wa nzi valele hi zikwinyaro za yona kala kupinzuka; Kanilezi wena Jehova Nungungulu wa mina, u lo humesa a wutomi ga mina hi lomu nkeleni.

⁷Laha a muhefemulo wa mina wu nga rerekile nzeni ka mina nzi lo alakanya Jehova; A mukombelo wa mina wu lo chikela ka wena lomu tempeleni ya wena yo basa.

⁸Lava va khatalelako zahava, Va tsika Nungungulu wabye wa tipswalo.

⁹Kanilezi nzi ta ku phahlela hi gezu ga kubonga, Nzi ta humesa lezi nzi zi fungileko. A kuhanyisa kuta hi ka Jehova. [4]

¹⁰Zonake Jehova i lo laya hlavi, yi hlata Jona laha muhanzeni.