Read tshwa Jona 3 Bible Online

Jona 3 - tshwa bible

Jona 3

¹A mhaka ya Jehova yi lota ka Jona hi khati ga wumbiri, yi taku:

²Suka uya Niniva, a mutini lowu wa hombe, u ya kanela a mhaka leyi nzi ta nga ku leletela yona.

³Zinghaho Jona i lo suka aya Niniva, kota lezi Jehova a nga mu layile. A muti wa Niniva wu hi wa hombe nguvu, wu nga fambiwa hi masiku manharu.

⁴Jona i lo enghena mutini a famba pfhuka wa siku ginwe, a kanela, aku: Ka ha sele 40 wa masiku, zonake Niniva i ta hahlulwa.

⁵A vaaki va le Niniva va lo kholwa ka Nungungulu, va yimisa a siku go yila ha gona, va ambala tinguwo ta xirilo, lava va hombe ni vatsongwani.

⁶Laha a hosi ya Niniva yi ngazwa a mahungu lawo, yi lo suka xitshanwini xakwe xa wuhosi, a tlhatlha a nguwo yakwe ya wuhosi, a ambala tinguwo ta xirilo, a ya tshama lomu khumeni.

⁷Zonake i lo rumisa lezaku ku biwa nyiwo ka Niniva gontlhe hi kuleletela ka hosi ni vahombe va yona, lezaku: A vanhu ni zihari, a mitlhambi ya tiyivu ni ya tihomu ngha zi ngagi nchumu; zi ngagi hambu kunwa mati.

⁸Kanilezi ngha zi ambala a tinguwo ta Xirilo, a vanhu ni zihari, zi rila hi ntamu ka Nungungulu. Ina, munwe ni munwani ngha a suka ndleleni yakwe yo biha, va tsika a mitiro ya tihanyi yi mahiwako hi mandla yabye.

⁹Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

¹⁰Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. [5]