Read tshwa Mitsengo 27 Bible Online

Mitsengo 27 - tshwa bible

Mitsengo 27

¹A vanhanyana va Zelofehade a nʼwana Hefera, wa Gileade, wa Makira, wa Manasa, wa Josefa (lava mavito yabye ma nga lawa: Mahla, Noa. Hogla, Milka, Tirza), [70]

²va lo ta yima mahlweni ka Mosi ni mahlweni ka mupristi Eliazare ni mahlweni ka tihosana ta tlhangano, laha nyangweni ya tenda ga mutlhangano, vaku:

³A raru wa hina i fele xiwuleni, kanilezi i wa nga hi kona lomu xikari ka xikungo lexi xa ku vukela Jehova, xa tlhangano wa Kora; kanilezi i file hi kota ya kuonha kakwe, na a nga siyangi varisanyana.

⁴Xana a vito ga raru wa hina gi ta fuva lomu ka yindlu yakwe hi kota ya lezi a nga kala ku siya a nisanyana ke? Hi nyikeniwo a tshomba xikari ka vamakabye va raru wa hina.

⁵Mosi i lo yisa a mhaka yabye mahlweni ka Jehova.

⁶Jehova i te ngalo ka Mosi:

⁷A vanhanyana va Zelofehade va wula zona. U ta va nyika tshomba xikari ka vamakabye va raru wabye, u va avela a tshomba ya raru wabye.

⁸Zonake u ta byela a vanana va ka Israeli, uku: Loku munhu afa a nga siyangi nisanyana, a tshomba yakwe mu ta nyika a nhanyana wakwe.

⁹Ni loku a nga hi na nhanyana, a tshomba yakwe mu ta nyika a vamakabye vakwe.

¹⁰Loku kambe a nga hi na vamakabye, mu ta nyikela a tshomba yakwe ka vamakabye va raru wakwe.

¹¹Loku a raru wakwe a nga hi na vamakabye, mu ta nyikela a tshomba yakwe ka xaka ga laha kusuhani na yena, loyi a nga wa yindlu yabye, zonake yi tava yakwe. Lexi xi tava xileletelo xi faneleko khwatsi hi lezi Jehova a leleteleko Mosi. Joxua a nyikiwa xikhundla.

¹²Jehova i te ngalo ka Mosi: Kanziha xitsungeni xa Abarime u wona a tiko legi nzi nyikileko a vanana va ka Israeli;

¹³loku u gi wonile, u ta amukelwa ka va ka nwina khwatsi hi lezi nakuloni Aroni a amukelweko.

¹⁴Hakuva mu lo kaneta kuleletela ka mina le xiwuleni xa Zini, laha a tlhangano wu nga nzi hluwuka, nwinawu a mu nzi basisangi mahlweni ka vona hi tlhelo ga mati ya le Meriba le Kadexe, xiwuleni xa Zini.

¹⁵Zonake Mosi i lo wulawula na Jehova, aku:

¹⁶Jehova, Nungungulu wa mimoya ya tinyama tontlhe, ngha a yimisa a munhu hehla ka tlhangano, loyi a ta nga maha murangeli wabye,

¹⁷loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

¹⁸Jehova aku ngalo ka Mosi: Teka Joxua nʼwana Nuni, a munhu loyi a nga ni moya, u tlhateka a canja ga wena hehla kakwe;

¹⁹Zonake u ta mu yimisa mahlweni ka mupristi Eliazare ni mahlweni ka tlhangano wontihe, u mu wumbela mahlweni kabye.

²⁰U ta veka wudzunzo ga wena hehla kakwe, kasi tlhangano wontihe wa vanana va ka Israeli wu fela ku mu ingisa.

²¹Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.

²²Mosi i lo maha khwatsi hi lezi Jehova a mu leleteleko; i lo teka Joxua a mu yimisa mahlweni ka mupristi Eliazare ni mahlweni ka tlhangano wontihe;

²³yena i lo tlhateka a mandla yakwe hehla kakwe, zonake i lo mu yimisa kota lezi Jehova a leleteleko Mosi.